Sport

VIDEO/ Chelsea mposht thellë Evertonin në Premier, Palmer shkëlqen me ‘poker’ golash

Chelsea fitoi me rezultat të thellë ndaj Evertonit (6-0) gjatë ditës së 33-të të Premier League, këtë të hënë. Cole Palmer, autor i një ‘pokeri’ golash, i bashkohet Erling Haaland në krye të renditjes së golashënuesve me 20 gola.

16 Prill 2024, 05:00 Nga DOSJA

VIDEO/ Chelsea mposht thellë Evertonin në Premier, Palmer

ANGLI - Gjithçka funksionoi për Cole Palmer këtë të hënë. Autor i një ‘pokeri’ golash, 21-vjeçari anglez ishte arkitekti kryesor i fitores së madhe të Chelseat ndaj Evertonit (6-0), në ditën e 33-të të Premier League.

Falë ndeshjes së tetë pa humbje në kampionat, ‘Blutë’, të 9-tët, janë tre pikë pas vendit të 6-të dhe mund të ëndërrojnë sërish Evropën.

Cole Palmer krijoi shkëndijën e parë të ndeshjes në minutën e 13-të. Pas një kombinimi të bukur me Nicolas Jackson, ai mashtroi Jordan Pickford, me një goditje pranë shtyllës.

Ai dyfishoi epërsinë pesë minuta më vonë me një tjetër gol (18’). Në minutën e 29-të, mesfushori sulmues anglez ndëshkoi edhe një herë rikuperimin e dobët të portierit të ‘Toffees’ me një goditje nga distanca: dhe një ‘hat-trick’.

Pak para se të kthehej në dhomat e zhveshjes, Marc Cucurella në korsinë e majtë ndihmoi Nicolas Jackson (44’), i cili, me një sekuencë të shkëlqyer, kryqëzoi Pickford dhe 4-0.

Penalltia e transformuar nga Cole Palmer (64’) mbylli shfaqjen e tij. Në kohën e shtuar, vjen dhe goli i parë profesionist i të riut, Alfie Gilchrist (90’+1) fiksoi rezultatin e thellë 6-0.

Kjo fitore i jep shpresë Chelseat, por mund të shqetësojë Everton, i 16-ti, dy pikë të vogla nga zona e kuqe. Cole Palmer është golashënuesi i ri i Premierligës me 20 gola, po aq sa Erling Haaland (Manchester City).

B.T (Dosja.al)

Sondazh

Poll

MË SHUMË