Sport

Mbrojtësi i Romës doli nga spitali i Udines, nuk kishte komplikacione për Ndiçkën…

Në mëngjes mbrojtësi i ‘verdhekuqve’ kreu teste të mëtejshme të cilat përjashtuan komplikime. Kështu ai kthehet në shtëpi pas sëmundjes në fushë

15 Prill 2024, 20:59 Nga DOSJA

Mbrojtësi i Romës doli nga spitali i Udines, nuk kishte komplikacione

ITALI - Evan N'Dicka ka dalë nga spitali i Udines, ku ishte shtruar pas sëmundjes së tij gjatë ndeshjes Udinese - Roma. Këtë e mëson ANSA nga burime shëndetësore. Analizat e kryera sot kanë përjashtuar çdo lloj komplikacioni.

Roma njoftoi se kontrollet zbuluan një traumë në gjoks me pneumotoraks minimal të majtë. Lojtari nga Bregu I Fildishtë do t'i nënshtrohet kontrolleve të reja në kryeqytet.

“Pas një dhimbje akute prekordiale dhe ndryshimeve jo specifike në elektrokardiogramin e kryer në urgjencën e parë të stadiumit, lojtari Evan Ndicka u shtrua në spitalin ‘Santa Maria della Misericordia’ në Udine.

U kryen kontrolle kardiologjike të nivelit të parë dhe të dytë. Rezultatet ishin negative për patologji kardiake. Në dritën e analizave të fundit të kryera në mëngjes, kuadri klinik është i pajtueshëm me traumën e kraharorit me pneumotoraks minimal, - thuhet në deklaratën e klubit ‘verdhekuq’.

Ai do t’i nënshtrohet kontrolleve të mëtejshme në Romë, klubi kryeqytetas dëshiron të falënderojë klubin e Udinese Calcio, gjyqtarin e ndeshjet, tëcilët demonstruam vlerat e sportit dhe vumë në plan të parë mbrojtjen e jetës”.

Deri pak para largimit të tij, mbrojtësi i Udineses dhe bashkatdhetari i tij nga Bregu i Fildishtë, Hassane Kamara, i mbante shoqëri lojtarit: "Ai është mirë, ne jemi miq të mirë", ishin fjalët e tij të raportuara nga ‘Gazzetta dello Sport’.

Pas frikës së madhe, situata tashmë është e qetë, si nata që Ndicka kaloi në spitalin e Udines. Menaxhmenti i kompanisë qendrore shëndetësore universitare Friuli ka bërë të ditur se nuk parashikohet shpërndarja e buletineve mjekësore, të cilat do të menaxhohen drejtpërdrejt nga Roma.

Ish-qendërmbrojtësi i Eintracht Frankfurt nuk e kaloi natën vetëm: “Mbrojtësi ynë Kamara, bashkëlojtari i tij në kombëtare, ishte me të deri në orët e vona të mbrëmjes dhe na bëri të ditur se Evan ishte më i qetë”, tha Balzaretti në intervistën për Radion Serie A - Duket se më e keqja ka mbaruar”. 

Çfarë ndodhi? Momente frike gjatë ndeshjes Udinese - Roma, me mbrojtësin e ‘verdhekuqve’, Evan Ndicka, i cili u rrëzua në fushë në minutën e 71-të. Lojtari nga Bregu i Fildishtë u shpëtua nga shokët e tij të skuadrës, me Svilar që kuptoi menjëherë se çfarë po ndodhte dhe tërhoqi vëmendjen e arbitrit të garës.

Stafi mjekësor ndërhyri menjëherë me defibrilatorin (i pa përdorur): Ndicka e bëri të qartë se ndjeu një dhimbje në gjoks. Ai është transportuar në spital, ku ka qëndruar nën vëzhgim gjatë gjithë natës, jashtë rrezikut për jetën.

B.T (Dosja.al)

Sondazh

Poll

MË SHUMË