Politike

Protesta para bashkisë/ Alimehmeti: Ku shkojnë paratë për Tiranën, kërkojmë audit të jashtëm për të gjitha fondet

Në protestë ka pasur përplasje edhe mes këshilltarëve të tjerë të opozitës dhe policisë, pasi është tentuar hyrja në bashki me forcë.

11 Prill 2024, 12:23 Nga r.ll
Protesta para bashkisë/ Alimehmeti: Ku shkojnë paratë për
ilir alimehmeti

TIRANË- Para bashkisë së Tiranës po mbahet protesta ku kërkohet dorëheqja e kryebashkiakut, Erion Veliaj. Këshilltari i PD në bashki, Ilir Alimehmeti, u shpreh për mediat i revoltuar për ndalimin që iu bë në hyrje të institucionit.

“Ku shkojnë fondet e Tiranës?! Marrin fondet tonë dhe i përdorin. Këta drejtues nuk janë drejtues administrate thjesht, por janë drejtues politikë, bashkëpunëtorë të ngushtë Erion Veliajt. Ku shkojnë këto fonde?! Kërkojmë audit të jashtëm për të gjitha fondet që shpenzohen në këtë drejtim në bashkinë e Tiranës për periudhën që nuk është kontrolluar nga KLSH. Kërkesë e thjeshtë, kërkesë e qartë antikorrupsion”, tha ai.

Në protestë ka pasur përplasje edhe mes këshilltarëve të tjerë të opozitës dhe policisë, pasi është tentuar hyrja në bashki me forcë. Gjithashtu qytetarët kanë hedhur molotovë në hyrje të bashkisë.

ilir alimehmeti proteste 11 prill 2024

Sondazh

Poll