Politike

Bardhi letër Kuvendit, ndryshon përbërjen e Grupit Parlamentar, kush janë deputetët që rikthehen në PD

Lulzim Basha më 9 shtator të vitit 2021 përjashtoi nga grupi Sali Berishën dhe përjashtoi 8 deputetë të tjerë pas dhunës së 8 janarit në selinë e PD-së.

11 Prill 2024, 10:51 Nga r.ll
Bardhi letër Kuvendit, ndryshon përbërjen e Grupit Parlamentar,
kuvendi

TIRANË- Kreu i Grupit Parlamentar të Partisë Demokratike, Gazment Bardhi i ka dërguar letër Kuvendit, ku kërkon ndryshimin e përbërjes së grupit. 

"Në emër të Grupit Parlamentar të Partisë Demokratike ju njoftoj se në mbledhjen e Grupit të datës 03 Prill 2024, në përputhje me neneve 15 dhe 16 të Rregullores së Kuvendit, si dhe Rregullores sẽ Brendshme të Grupit Parlamentar, është vendosur "Revokimi i te gjitha vendimeve për masa disiplinore të marra nga grupi gjatë kësaj Legjislature". Për këtë arsye, të gjithë deputetët që janë vetëdeklaruar në nisje të kësaj Legjislature në përbërje të Grupit Parlamentar, rikthehen/konsiderohen si anëtarë të Grupit Parlamentar të Partisë Demokratike duke filluar nga  data 3 Prill 2024. Në këtë kushte, në mbështetje të nenit 16 të Rreguulores së Kuvendit, lutem të pasqyrohet ky ndryshim i përbërjes së Grupit Parlamentar të Partisë Demokratike në organet e Kuvendit", shkruhet në letrën e Bardhit që  përmban datën 9 prill 2024.

Bardhi letër Kuvendit, ndryshon përbërjen e Grupit Parlamentar,

Lulzim Basha më 9 shtator të vitit 2021 përjashtoi nga grupi Sali Berishën dhe përjashtoi 8 deputetë të tjerë pas dhunës së 8 janarit në selinë e PD-së. Konkretisht emrat e deputetëve demokratë që Gazment Bardhi ka rikthyer në grupin parlamentar të PD-së janë: 

1. Sali Berisha
2. Flamur Noka
3. Edmond Spaho
4. Albana Vokshi
5. Oerd Bylykbashi
6. Tritan Shehu
7. Luan Baç
8. Ina Zhupa;
9. Isuf Çela;
10. Asllan Dogjani;
11. Bujar Leskaj;
12. Edi Paloka;
13. Kastriot Piroli;
14. Lindita Metaliaj;
15. Ludovik Hasanaj;
16. Sorina Koti;
17. Tomorr Alizoti;

gazment bardhi pd

Sondazh

Poll

MË SHUMË