Politike

Këshilli i Mandateve, Bardhi: Tentuat të bllokonit procesin, i kishit votat dhe nuk e futët në rend dite

Bardhi ka deklaruar se maxhoranca nuk kishte ndërmend që ta fuste në rend dite mandatin e Xhaçkës.   

8 Prill 2024, 14:54 Nga I.A

Këshilli i Mandateve, Bardhi: Tentuat të bllokonit procesin, i kishit

TIRANË- Kreu i Grupit Parlamentar të Partisë Demokratike Gazment Bardhi ka deklaruar se maxhoranca po tenton që të bllokojë procesin për mandatin e deputetes socialiste Olta Xhaçka. Po ashtu në mbledhjen e Këshillit të Mandateve, Bardhi ka deklaruar se maxhoranca nuk kishte ndërmend që ta fuste në rend dite mandatin e Xhaçkës.   

Ka dy vendime të Kushtetueses, ku thuhet se duhet një vendim Kuvendi që të vihet në lëvizje GJK. Nëse kolegia juaj nuk ka asgjë për të fshehur, çështja të shqyrtohet në themel në Kushtetuese. Dhe e ndajnë anëtarët e GJK më pas nëse është apo jo në papajtueshmëri në ushtrimin e mandatit. Ju keni tentuar të bllokoni këtë gjë, nuk kishit ndërmend ta fusni në rend dite. Miratoni ligjin për Portin e Durrësit dhe koncesione, por për këtë ju paska penguar protesta e opozitës. Nuk kërkon shumicë të cilësuar, nuk ju pengonim dot ne sepse i kishit votat," tha Bardhi.

Demokratët kërkojnë heqjen e mandatit të Xhaçkës, pasi në kushtet e konfliktit të interesit, qeveria i dha burrit të saj statusin e investitorit strategjik. Gjykata Kushtetuese vendosi pranimin e kërkesës së 14 deputetëve të PD-së, për ta shfuqizuar vendimin e Parlamentit që miratoi raportin e mazhorancës për të mos e çuar mandatin e Xhaçkës në Gjykatën Kushtetuese. Ky vendim do të thotë që Kuvendi është i detyruar që ta çojë një kërkesë të deputetëve për verifikim të mandatit të një deputeti në Kushtetuese dhe do të jetë kjo e fundit që do të vendosë.

olta xhaçka keshilli i mandateve gazment bardhi

Sondazh

Poll

MË SHUMË