Sport

Përjashtohet kampioni olimpik nga Paris 2024, mbështeti Rusinë në luftën ndaj Ukrainës!

Mundësi rus duhej të garonte si neutral dhe të kërkonte një biletë për Olimpiadën e Parisit, por federata vendosi që ai nuk i plotëson kriteret e neutralitetit të vendosura nga IOC, pasi ai ka shprehur mbështetjen e tij për luftën e Rusisë kundër Ukrainës.

6 Prill 2024, 17:55 Nga DOSJA
Përjashtohet kampioni olimpik nga Paris 2024, mbështeti Rusinë

AZERBAIXHAN - Federata Botërore e Mundjes njoftoi përjashtimin e dy herë kampionit olimpik “të artë” në stilin e lirë, Abdulrashid Sadulaev, nga turneu evropian paraolimpik, i cili filloi sot në Baku të Azerbaixhanit.

Mundësi rus duhej të garonte si neutral dhe të kërkonte një biletë për Olimpiadën e Parisit, por federata vendosi që ai nuk i plotëson kriteret e neutralitetit të vendosura nga IOC, pasi ai ka shprehur mbështetjen e tij për luftën e Rusisë kundër Ukrainës.

Sadulaev, i cili fitoi medaljen e artë në 86kg në 2016 në Rio dhe prej 97 kg në vitin 2021 në Tokio, ai fillimisht ishte pranuar si neutral, por çështja e tij u rishqyrtua në dritën e informacioneve të reja që erdhën në dijeni të komitetit kompetent të federatës ndërkombëtare.

Ndër të tjera, rezultoi se sportisti mbetet anëtar i Dynamo Moskës, një klub i lidhur me shtetin rus, i cili është kundër kushteve të vendosura nga Komiteti Olimpik Ndërkombëtar, për të pranuar atletët nga Rusia edhe nga Bjellorusia si neutral .

Mundësi i njohur si "Tanku i Dagestanit" ishte fotografuar me ushtarë rusë dhe kishte bërë deklarata publike në favor të luftës.  Vlen të theksohet se presidenti Macron tha pak orë më parë: “Nuk ka dyshim se Rusia do të përpiqet të shkatërrojë Lojërat Olimpike në Paris këtë verë”.

B.T (Dosja.al)

Sondazh

Poll

MË SHUMË