Politike

Mazhoranca bojkotoi Komisionin për Shëndetësinë, Zhupa: Manovra për të zvarritur marrjen e informacionit

Zhupa shtoi se e drejta për të hetuar është e atyre që e kërkojnë hetimin.

5 Prill 2024, 15:03 Nga I.A
Mazhoranca bojkotoi Komisionin për Shëndetësinë, Zhupa:
Ina Zhupa

TIRANË- Anëtarja e Komisionit Hetimor për PPP-të në Shëndetësi Ina Zhupa, pas dështimit të mbledhjes për shkak të mungesës së mazhorancës, është shprehur se këto janë manovra për të zvarritur marrjen e informacionit. Në një konferencë për mediat, Zhupa tha se mazhoranca në letrën e firmosur nga 5 deputetët e saj që nuk përfaqësojnë të gjithë mazhorancën, pretendohet se ekspertët janë me lart se deputetët dhe se sipas tyre duhet të jenë këta të fundit që të hartojnë planin e veprimit dhe jo kryetarja e komisionit, duke interpretuar sipas saj gabim ligjin. Zhupa shtoi se e drejta për të hetuar është e atyre që e kërkojnë hetimin.

"Ju jeni dëshmitarë të disa manovra për të zvarritur marrjen e informacionit. E drejta e informacionit na garantohet nga Kushtetuta dhe nuk mundet që t’i mbivendoset asnjë ligj. Sot në një përpjekje të dëshpëruar na kishin lënë një letër në tavoline, e firmosur nga 5 përfaqësues të mazhorancës, të cilët nuk përfaqësojnë as të gjithë mazhorancën vetë. Letër që praktikisht thoshte, ekspertët janë mbi deputetët dhe ligjin nuk e njohin sic është. Ligji thotë se kryetarja e Komisionit duhet të ketë një plan veprimi për të hetuar, gjë që e ka bërë kryetarja në mbledhjen e kaluar.

Do duhet të ekspertët e tyre të hartojnë një plan veprimi dhe ne të zbatojmë atë, por nuk është kjo e drejta. E drejta për të hetuar është e atyre që kërkojnë hetimin. Mazhoranca mund të shtojë informacion, jemi të hapur për këtë, por kurrësesi që të mos lejojë që të mos dërgohen shkresat që kërkojmë ne për planin e veprimit. Ne sot kemi firmosur të 7 kërkesat për informacion, ne rreth 40 institucione, që do jenë provat e para të një vjedhje të madhe prej 200 milion euro," tha Zhupa.

ina zhupa

Sondazh

Poll

MË SHUMË