Aktualitet

“Për herë të parë, SPAK e pranon”, Anila Hoxha: Flitet për grupe shqiptare kriminale, kanë mundur të korruptojnë zyrtarë të lartë

Hoxha tha se në këtë raport flitet edhe për një çështje të vitit 2019, ku një person i huaj që ka qëndruar në Shqipëri, ka pasur lidhje me shërbimet sekrete të vendeve jo mike, çështje kjo që lidhet me sulmin në kampin Muxhahedin.

4 Prill 2024, 22:17 Nga I.A
“Për herë të parë, SPAK e pranon”, Anila Hoxha:
Anila Hoxha

TIRANË- Gazetarja Anila Hoxha, tha se për herë të parë SPAK në raportin vjetor ka deklaruar se grupe kriminale shqiptare që trafikojnë kokainë në vende të Amerikës së Jugut, kanë arritur deri aty sa kanë korruptuar zyrtarë të lartë të qeverive të këtyre shteteve që veprojnë. E ftuar në emisionin Top Story në Top Channel, Hoxha tha se në këtë raport flitet edhe për një çështje të vitit 2019, ku një person i huaj që ka qëndruar në Shqipëri, ka pasur lidhje me shërbimet sekrete të vendeve jo mike, çështje kjo që lidhet me sulmin në kampin Muxhahedin.

“Nga raporti vjetor, lidhet me prezencën e grupeve kriminale në Amerikën e Jugut, ku SPAK thotë se ka vërejtur një punë intensive të grupeve shqiptare që konkurrojnë me këto grupe në këto vende dhe kanë arritur sa të korruptojnë në nivele të larta të qeverisë ne vendet përkatëse ku dërgohet droga, dhe zyrtarë në funksione të larta. Sa i takon shërbimeve sekrete të vendeve jo mike, bëhet fjalë për një çështje të vitit 2019, për një shtetas që ka qëndruar në Shqipëri, dhe thotë se vërehet një lidhje mes shërbimeve sekrete të vendeve jo mike, terrorizmit dhe korrupsionit. Hera e parë që pranohet nga SPAK për këtë çështje të hetuar në 2019, që bëhet fjalë për sulmin në kampin Muxhahedin”, tha ajo.

anila hoxha spak

Sondazh

Poll

MË SHUMË