Gazetarët që punojnë pranë kësaj media janë shprehur se këto sulme kanë ardhur si raportime të organizuara ndaj postimeve të tyre.
TIRANË- Një prej mediave të pavarura komunitare në Shqipëri, “Citizens Channel” është përballur me një seri sulmesh digjitale në faqen e tyre në rrjetin social Facebook gjatë ditëve të fundit. Gazetarët që punojnë pranë kësaj media janë shprehur se këto sulme kanë ardhur si raportime të organizuara ndaj postimeve të tyre.
“10 postimet e fundit janë fshirë nga platforma e faqes tonë në Facebook me arsyetimin se kanë përmbajtje ‘spam' që tenton të marrë ‘like' dhe ‘share' në mënyrë të parregullt”, shkruajnë gazetarët e Citizens Channel mbi pasojat e këtyre sulmeve.
Sulmi ndaj Citizens Channel erdhi pas postimit të një artikulli mbi ndërtimin e Teatrit Kombëtar dhe dhënien e lejeve për qiellgërvishtëset nga Bashkia Tiranë.
Rrjeti për Gazetarë të Sigurt në Ballkanin Perëndimor u shpreh në një deklaratë se ky sulm është qartazi një përpjekje e koordinuar për të minimizuar zërin e tyre.
“Pas publikimit të ketij lajmi një ushtri digjitale filloi të sulmonte artikujt e tyre, që datojnë që nga viti 2021, me raportime që synonin të mbyllnin faqen e tyre në Facebook”, shkruan Rrjeti për Gazetarë të Sigurt.
Rrjeti për Gazetarë të Sigurt gjithashtu shprehu shqetësimin se sulme të tilla ndikojnë dhe në qasjen e publikut në informim nga burime të pavarura.
“Kjo minon të drejtën e publikut për të pasur qasje në informacione të ndryshme dhe të pavarura, gjë që është thelbësore për një vendimmarrje të informuar dhe diskursin publik”, shkruan rrjeti.
Nga ana tjetër, gazetarët e Citizens Channel shprehen të vendosur për të vijuar misionin e tyre informues, pavarësisht përpjekjeve për t'i ndaluar apo intimiduar ato.
“Ne e sigurojmë secilin nga ndjekësit tanë se pavarësisht sulmeve, do të vazhdojmë me vendosmëri misionin tonë drejt të vërtetës dhe të mirës publike, sado e parehatshme të jetë ajo për personat përgjegjës”, shkruajnë gazetarët e Citizens Channel në reagimin e tyre zyrtar.
Marrë nga Reporter.al
AKSHI TIRANË- Rikthehen problemet e AKSHI-t me sistemin e nënshkrimit elektronik. Të sëmurët kronikë, pensionistët ...
Aureljo Dervishi TIRANË- Katër të rinjtë e akuzuar për vrasjen e 18-vjeçarit Aurelio Dervishi mbrëmjen e së ...
SPAK TIRANA- Gjykata e Posaçme ka njohur sot ish-drejtuesin e Drejtorisë së Transportit të Trafikut Rrugor në Bashkinë e Ti...
Policia VLORA- Dy persona kanë përfunduar në prangat e policisë së Vlorës pasi akuzohen se i kanë grabitur me forcë...
Foto ilustruese TIRANA- Autoriteti Rrugor Shqiptar çeli këtë javë procedurat për 10 kontrata rrugës ku një pjesë ...
alda klosi TIRANË-Ish-këshilltarja e Arben Ahmetajt, Alda Klosi është liruar nga qelia. Ajo u dënua nga gjykata 2 vjet e 6 muaj q&...
pamje nga urbani TIRANË- Një 51-vjeçar është arrestuar sot pasi në një nga urbanët në kryeqytet, ka tentuar ...
Lekët e sekuestruar GREQI- Autoritet greke kanë shkatërruar 6 grupe kriminale pas një operacioni masiv të nisur tre...
Pamje nga diegiet POGRADEC- Që mbrëmjen e djeshme pasi ka rënë zjarri në një zonë pyjore në Dhardhas të...
Komisionerit për Mbrojtjen e të Dhënave Personale TIRANË- Telefonatat e ofertave të jashtëzakonshme (të dyshekëve a...