Sport

Perlë e Denisson ‘in extremis’, Dinamo mposht Teutën dhe në ‘katërshen e artë’…

Një gol spektakolar në kohën shtesë, i shënuar nga braziliani Denisson, i dha tri pikët Dinamos në ndeshjen e prapambetur të javës së 27-të ndaj Teutës.

3 Prill 2024, 21:30 Nga DOSJA

Perlë e Denisson ‘in extremis’, Dinamo mposht Teutën dhe

TIRANE - Në “Air Albania” u zhvillua një sfidë mjaft e luftuar nga të dy skuadrat, por në fund fitorja u përcaktua nga një ekzekutim ‘perlë’ i Denisson, topin i të cilit nga e majta në distancë, u përplas në shtyllën e portës së Vatës, para se të ndalej në rrjetë. 1-0 për Dinamon në minutën e 90-të +3. 

Festë në kampin dinamovit, që merr kështu fitoren e dytë radhazi dhe ngjitet në kuotën e 42 pikëve në vendin e katërt, vend që duhet ta ruajë edhe për 7 javët e ardhshme për të marrë pjesë në “Final 4” për titullin kampion.

Nga ana tjetër Teuta ndalet pas dy fitoreve ndaj Partizanit dhe Tiranës, duke mbetur në vendin e shtatë, dy më tepër se Laçi që renditet poshtë saj. Durrsakët shpërdoruan dy penallti në pjesën e parë me anë të Peposhit, teksa kjo u kushtoi shtrenjtë. Portieri Sali ishte shpëtimtar, në të dy rastet…

B.T (Dosja.al)

Sondazh

Poll

MË SHUMË