Bota

Shtetet baltike, mesazh për NATO-n dhe Perëndimin: Bëhuni gati, Putin mund të nisë një luftë edhe kundër nesh

Duke shkruar ekskluzivisht për The Sunday Telegraph, diplomatët kryesorë në Mbretërinë e Bashkuar nga Estonia, Letonia dhe Lituania thanë se Rusia mund “të lëvizë shpejt” nga Ukraina për të pushtuar Baltikun.

1 Prill 2024, 13:30 Nga M.B
Shtetet baltike, mesazh për NATO-n dhe Perëndimin: Bëhuni gati,
Foto ilustruese


BRITANI- Ambasadorët e shteteve baltike kanë paralajmëruar se NATO duhet të jetë gati që Rusia mund të nisë një luftë “ekzistenciale” kundër tyre “të maskuar nga një stuhi dezinformimi”. Duke shkruar ekskluzivisht për The Sunday Telegraph, diplomatët kryesorë në Mbretërinë e Bashkuar nga Estonia, Letonia dhe Lituania thanë se Rusia mund “të lëvizë shpejt” nga Ukraina për të pushtuar Baltikun. Ata thanë se brutalizimi i Ukrainës nga Vladimir Putin po ngjall “kujtimet më të errëta” të pushtimit të tri vendeve nga Stalini.

Ambasadori i Estonisë, Viljar Lubi, ambasadorja letoneze, Ivita Burmistre dhe e ngarkuara me punë e Lituanisë, Lina Zigmantaite, shkruan artikullin e përbashkët për të shënuar të premten 20-vjetorin e anëtarësimit të vendeve të tyre në NATO. Ambasadorët thanë se bashkimi me aleancën do të thoshte se kombet e tyre nuk kishin gëzuar kurrë siguri kolektive më të fortë se sot, por “as nuk jemi përballur me një kërcënim më të frikshëm”.

“Paralajmërimet tona për kërcënimin në rritje nga Lindja u hodhën poshtë shumë lehtë në disa kryeqytete aleate. Ne e dinim atëherë, ashtu siç e dimë sot se vetëm një mbrojtje kolektive mund të garantojë sigurinë në Evropë. Kjo na mungonte në vitet 1930 dhe paguam një çmim të rëndë; një që ukrainasit po paguajnë tani”, thonë ata.

Ambasadorët thanë se vuajtjet që po përjeton aktualisht Ukraina në formën e deportimit, torturës, rrëmbimit të fëmijëve dhe “fshirjes kulturore” zgjuan kujtimet dhe frikën më të errët të vendeve të tyre, një referencë e dukshme për pushtimin sovjetik të shteteve baltike që filloi në vitin 1940.

nato

Sondazh

Poll

Bota 1 Prill 2024, 12:24 h.k

BBC: Opozita trullos Erdoganin

Foto ilustruese TURQI-Partia kryesore opozitare e Turqisë ka korrur fitore të mëdha në qytetet kryesore të Stambollit dhe Ankaras...

MË SHUMË