Aktualitet

Arrestohen 2 shqiptarë në Belgjikë, akuzohen për kultivim të lëndëve narkotike

Rezultoi se shqiptarët ishin të lidhur me një banesë e cila përdorej si “shtëpi bari”.

27 Mars 2024, 15:17 Nga I.A
Arrestohen 2 shqiptarë në Belgjikë, akuzohen për kultivim
Foto Ilustruese

BELGJIKË- Dy shqiptarë janë arrestuar në Belgjikë për kultivim të lëndëve narkotike. HLN shkruan se hetimi për 2 shqiptarët filloi të dielën pasdite kur një makinë kaloi në një sinjal rrugor në Baeckelmansstraat në Tisselt. Mund të ketë pasur diçka që nuk shkonte me makinën, pasi kamera ka dërguar menjëherë sinjal në dhomën e kontrollit të policisë.

“Një sinjal ANPR për të kryer një kontroll në makinë. Ekipet e ndërhyrjes në zonë filluan menjëherë kërkimin e makinës në fjalë dhe pak kohë më vonë policia mundi të gjente mjetin në fjalë në Bormstraat”, tha zëdhënësi i policisë Dirk Van de Sande.

Në makinë ishin dy burra të moshës 25 dhe 38 vjeç. Rezultoi se shqiptarët ishin të lidhur me një banesë e cila përdorej si “shtëpi bari”. Gjatë kontrolleve të policisë janë zbuluar dhe asgjesuar rreth 1023 bimë kanabisi.

“Shtëpia në fjalë rezultoi se kishte një plantacion kanabisi ku kishte më shumë se një mijë bimë, 1023 për të qenë të saktë,” shtoi Van de Sande.

dirk van de sande

Sondazh

Poll

MË SHUMË