Aktualitet

U kap në flagrancë duke vjedhur një banesë, vihet në pranga 43-vjeçari në Gjirokastër

Sipas njoftimit të policisë 43-vjeçari me inicialet A.H. pasditen e djeshme kishte hyrë për të vjedhur në një banesë në lagjen “11 Janari”.

27 Mars 2024, 11:19 Nga N.F
U kap në flagrancë duke vjedhur një banesë, vihet në
Foto ilustruese

GJIROKASTËR- Një 43-vjeçar është vënë në pranga pasi u kap duke vjedhur një banesë. Sipas njoftimit të policisë 43-vjeçari me inicialet A.H. pasditen e djeshme kishte hyrë për të vjedhur në një banesë në lagjen “11 Janari”. I arrestuari u kap brenda baensës teksa po vidhte.

Gjithashtu është arrestuar një 51-vjeçar pasi drejtonte mjetin në gjendje të dehur.

Njoftimi i plotë:

Gjirokastër/ Pas njoftimit se një shtetas kishte hyrë për të vjedhur në një banesë, shërbimet e Policisë ndërhyjnë në kohë dhe kapin në flagrancë, në banesë, autorin e vjedhjes.

Pasditen e djeshme, pas njoftimit se një shtetas kishte hyrë për të vjedhur në një banesë, në lagjen “11 Janari”, shërbimet e Forcës së Posaçme “Shqiponja” kanë shkuar menjëherë në adresën e dhënë dhe si rezultat i veprimeve të shpejta kanë kapur në flagrancë, brenda banesës, autorin e dyshuar, shtetasin A. H. Në vijim të veprimeve procedurale për këtë rast, specialistët për Hetimin e Krimeve të Komisariatit të Policisë Gjirokastër arrestuan në flagrancë shtetasin A. H., 43 vjeç, banues në fshatin Rusan, Delvinë.

-Specialistët e Seksionit të Trafikut Interurban dhe Urban arrestuan në flagrancë shtetasit S. P., 51 vjeç, banues në Gjirokastër, pasi u kap duke drejtuar automjetin, në gjendje të dehur. Po nga këta specialistë u referuan materialet në Prokurori ku nisi procedimi në gjendje të lirë për një 17-vjeçar, banues në fshatin Krahës, Tepelenë, pasi u kap duke drejtuar automjetin, pa leje drejtimi. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme.

gjirokastra vjedhje arrestim

Sondazh

Poll

MË SHUMË