Art&Argëtim

Avioni privat i Sean Diddy Combs ulet në Karaibe, dyshohet për një arratisje në Afrikë

Madje ekziston shqetësimi se reperi në këtë mënyrë po tenton të arratiset në Afrikë, në Kepin e Gjelbërt.

26 Mars 2024, 17:15 Nga S.B
Avioni privat i Sean Diddy Combs ulet në Karaibe, dyshohet për
Sean Diddy Combs

KARAIBE- Pas akuzave ndaj Diddy për trafik seksual, reperi thuhet se është larguar nga SHBA. Avioni i tij privat "LoveAir LLC" u pa duke u ulur në Karaibe dhe konkretisht në Antigua. Megjithatë, është ende e paqartë nëse Diddy ishte në të.

Madje ekziston shqetësimi se reperi në këtë mënyrë po tenton të arratiset në Afrikë, në Kepin e Gjelbërt. Nëse Diddy gjendet në Cape Verde, SHBA nuk do të kenë opsionin e ekstradimit, pasi të dy vendet nuk kanë një traktat zyrtar që ua lejon një gjë të tillë.

TMZ publikoi më parë videon e paraqitjes së parë të 52-vjeçarit pas publikimit të videos së operacionit të FBI-së. Në klip, Diddy është në aeroportin ekzekutiv të Miami-Opa Locka dhe shëtit rastësisht i veshur me një bluzë të bardhë dhe tuta blu.

Sipas mediave amerikane, qëllimi i hetimit ishte sekuestrimi i telefonave dhe kompjuterëve përpara një udhëtimi të planifikuar të reperit 54-vjeçar jashtë SHBA-së. Ata gjithashtu pretenduan se do të kishte bastisje të mëtejshme në shtëpitë e lidhura me producentin e muzikës në Nju Jork dhe Çikago.

Katër padi për sulme seksuale janë ngritur kundër një prej reperëve dhe milionerëve më të famshëm, duke përfshirë një të mitur, dhe pasojnë zgjidhjen e padisë së parë me një marrëveshje mbi pranimin e fajësisë midis Diddy dhe ish-të dashurës së tij Cassandra. Ai i ka mohuar akuzat ndaj tij dhe nuk dihet nëse hetimi ka të bëjë me ndonjë nga akuzuesit.

sean diddy combs

Sondazh

Poll

MË SHUMË