Aktualitet

Themelohet për herë të parë në Mbretërinë e Bashkuar "Lidhja e Mësuesve Shqiptarë"

Organizimi u bë në zyrat e shoqatës “Ardhmëria” nën kujdesin e veçantë të kryetarit të kësaj shoqate Lutfi Vata dhe stafit të saj. Procedura e diskutimit të statutit dhe zgjedhjet u zhvilluan në frymë meritokratike dhe me votimin e mbi 40 bashkëthemeluesëve të kësaj lidhjeje.

23 Mars 2024, 14:33 Nga N.F

Themelohet për herë të parë në Mbretërinë e

ANGLI- Për herë të parë në Mbretërinë e Bashkuar është krijuar "Lidhja e Mësuesve Shqiptarë". Më 17 mars 2024 në Londër me iniciativën e disa shoqatave: “Ardhmëria”, “Gjurmët Ilirjane”, shoqata “Drenica”, “Shoqata Akademike Shqiptare”, “Nënë Tereza”, “Arbëria”, “Bright Eagles” si edhe me pjesëmarrjen e mësuesve shqiptarë që punojnë dhe bashkëpunojnë për përhapjen e gjuhës shqipe, mbrojtjen e kulturës shqiptare, u hodh hapi më i rëndësishëm i një lidhje profesionistësh e nivelit të lartë.

Organizimi u bë në zyrat e shoqatës “Ardhmëria” nën kujdesin e veçantë të kryetarit të kësaj shoqate Lutfi Vata dhe stafit të saj. Procedura e diskutimit të statutit dhe zgjedhjet u zhvilluan në frymë meritokratike dhe me votimin e mbi 40 bashkëthemeluesëve të kësaj lidhjeje. E pranishme për të vëzhguar punën dhe zgjedhjet ishte zëvendës ambasadorja Almona Bajramaj, e cila përshëndeti lidhjen dhe përcolli mirënjohjen e shtetit shqiptar si përfaqësuese e lartë e tij në Mbretërinë e Bashkuar.

Pas diskutimeve, propozimeve, ideve u miratua dhe u votua statuti i Lidhjes së Mësuesve dhe u propozuan tre kandidatë për kryetar:Ardjana Gjoni, Lutfi Vata dhe Alda Çapia. Votimi nga 28 të pranishëm në sallën e mbledhjes, 14 online, gjithsej 42 themelues përcolli këto rezultate:

1. Kryetar z.Lutfi Vata
2. Nënkryetar znj. Ardjana Gjoni
3. Nënkryetar z. Abedin Bajraktari
4. Zëdhënëse znj. Anila Kadija

5. Sekretare znj. Adelina Hysenaj

6. Financiere Ornela Gjeta

Anëtarë

1. Rozana Hykaj
2. Alda Capja
3. Lindita Bazina
4. Najada Fani
5. Esmeralda Spahia
6. Ilira Mucaj
7. Marsela Kalaja Hoxha
7. Vildane Dibra Zhubi
8. Euord Pajo
9. Migena Goga
10. Enxhi Lami
11. Dallendyshe Lashi

Në përfundim të zgjedhjeve zv/Ambasadorja uroi Lutfi Vata dhe përgëzoi të gjithë asamblenë, kryesinë e porsa zgjedhur, për këtë iniciativë në krijimin e një institucioni shumë të rëndësishëm për mësuesit shqiptarë në Mbretërinë e Bashkuar. Vata shprehu entuziazmin dhe falenderoi të gjithë për besimin që iu dha duke theksuar që kjo lidhje do të jetë një portë e hapur për të gjithë mësuesit e gjuhës shqipe jo vetëm në Londër por edhe në çdo vend të MB ku janë apo do të hapen shkolla shqipe në vazhdim. 

Almona Bajramaj, e cila siguroi mbështetjen e të gjitha autoriteteve shqiptare dhe Ministrisë së Jashtme theksoi mbi të gjitha mbështetjen ndaj mësuesve dhe nxënësve shqiptarë për t’i plotësuar nevojat me tekste shkollore në shërbim të mësimin e gjuhës shqipe, përhapjes së kulturës dhe ruajtjes të identitetit kombëtar.

“Bashkëpunimi me Ambasadën Shqiptare në Londër do të vijojë si përherë dhe mbështetja e tyre do të jetë e pa kursyer për Lidhjen e Mësuesve. Puna nisi, vullnetarisht për një qëllim, të gjithë së bashku!” tha Bajramaj.

angi mesues lidhja e mesusve shqiptare

Sondazh

Poll

MË SHUMË