Bota

Siguria e transportit detar/ Sulmet e Houthive në Detin e Kuq, pirateria somaleze dhe operacionet mbrojtëse te SHBA-ve dhe BE-së

Në përgjigje të përshkallëzimit të konflikteve rajonale në Lindjen e Mesme, Administrata Detare e SHBA-së ka lëshuar këshilla të reja për transportin detar që përforcojnë udhëzimet e mëparshme për anijet tregtare me flamur amerikan që lundrojnë në zona me rrezik të lartë, duke përfshirë Detin e Eritresë jugore, ngushticën e Bab el Mandeb dhe Gjiri i Adenit. 

23 Mars 2024, 09:12 Nga S.N
Siguria e transportit detar/ Sulmet e Houthive në Detin e Kuq, pirateria
Foto Ilustrim

JEMEN- Transporti botëror ka hyrë në një periudhë të trazuar me kohëzgjatje të gjatë, ku askush nuk është në gjendje të parashikojë se kur do të rikthehet në gjenje normale.

Situata e sigurisë detare është e paqëndrueshme nga sulmet Houthi në Detin e Kuq, pirateria somaleze është rindezur, ndërsa sulmet iraniane ndaj anijeve tregtare po prekin korsitë ndërkombëtare të transportit detar që janë kritike për ekonominë globale.

Pavarësisht përpjekjeve të SHBA-së dhe aleatëve të saj për të mbrojtur këto ujëra nëpërmjet operacioneve të tilla si Prosperity Guardian i udhëhequr nga SHBA-ja dhe operacioni i BE-së Aspides në Detin e Kuq/Gjirin e Adenit, si dhe operacionin e BE-së Atalanta në brigjet e Somalisë, këto përpjekje deri më tani nuk kanë rezultuar efektive në sigurimin e fluksit të lirë të tregtisë në rajon, veçanërisht në Detin e Kuq.

Në përgjigje të përshkallëzimit të konflikteve rajonale në Lindjen e Mesme, Administrata Detare e SHBA-së ka lëshuar këshilla të reja për transportin detar që përforcojnë udhëzimet e mëparshme për anijet tregtare me flamur amerikan që lundrojnë në zona me rrezik të lartë, duke përfshirë Detin e Eritresë jugore, ngushticën e Bab el Mandeb dhe Gjiri i Adenit. 

Në veçanti, një nga rekomandimet e reja thotë që anijet të çaktivizojnë transponderët e tyre të Sistemit të Identifikimit Automatik (AIS) për të zvogëluar rrezikun për t'u shënjestruar, veçanërisht në zonat ku kërcënimi nga forcat Houthi është më i rëndësishëm.

transporti detar houthi deti i kuq

Sondazh

Poll

MË SHUMË