Bota

Luvri në gatishmëri pas kërcënimeve të fundit: Do të hedhim në erë veprën e Mona Lisa-s

Informacionet e gazetës Le Figaro, duke cituar burime policore, bëjnë të ditur se kërcënimet janë bërë në gjuhën angleze të dielën e 17 marsit. 

21 Mars 2024, 14:22 Nga N.F
Luvri në gatishmëri pas kërcënimeve të fundit: Do
Mona Liza

FRANCË- Autoritetet e Luvrit në Francë janë në gatishmëri 24 orët e fundit, pasi kanë marrë një kërcënim nga të panjohur se do të hedhin në erë kryeveprën e Mona Lisa-s nga e Leonardo da Vinçi. 

Informacionet e gazetës Le Figaro, duke cituar burime policore, bëjnë të ditur se kërcënimet janë bërë në gjuhën angleze të dielën e 17 marsit. 

“Ne jemi të përkushtuar të hedhim në erë Mona Lizën dhe shumë kryevepra të tjera. Vetëm një paralajmërim: 100 kilogramë eksploziv C4 bëjnë shumë dëme”, thotë policia.


Kërcënimi mban nënshkrimin "Baballarët Themelues të Konfederatës", duke iu referuar 36 burrave që në shekullin e 19-të përfaqësonin kolonitë britanike të Amerikës së Veriut. Botimi francez thekson se "Baballarët e Konfederatës" janë 36 individë që morën pjesë të paktën një nga konferencat e Charlottetown, Quebec dhe Londrës 1864 të vitit 1864, që i paraprinë Konfederatës Kanadeze.

Vetëm njëmbëdhjetë persona morën pjesë në të tri konferencat. Megjithatë, Muzeut të Luvrit iu kërkua të kontrollonte zonën pa gjetur ndonjë objekt të dyshimtë, siç thekson botimi francez.

mona liza france da vinçi

Sondazh

Poll

MË SHUMË