Bota

Udhëheqësi i Partisë Laburiste britanike për Kate Middleton: Ta lëmë të qetë, ka pasur një operacion të vështirë dhe meriton privatësi

Duke folur në televizionin Channel 5, Starmer tha se ai po fliste "si një qenie njerëzore" dhe jo si një politikan kur shprehu pikëpamjen e tij se Kate meritonte privatësi pas operacionit të saj.

21 Mars 2024, 12:53 Nga M.B

 

Udhëheqësi i Partisë Laburiste britanike për Kate Middleton:
Catherine, Princesha e Uellsit mban një fjalim kyç në Simpoziumin Kombëtar "Shaping Us" në Muzeun e Dizajnit në Londër, Britani, 15 nëntor 2023

LONDËR– Udhëheqësi i Partisë Laburiste të opozitës britanike, Keir Starmer, u bëri thirrje njerëzve sot që të lënë të qetë dhe vetëm Princeshën e Uellsit, Kate Middleton, pasi ajo është bërë qendër e spekulimeve, thashethemeve dhe teorive të çuditshme konspirative që nga operacioni abdominal në janar. Duke folur në televizionin Channel 5, Starmer tha se ai po fliste "si një qenie njerëzore" dhe jo si një politikan kur shprehu pikëpamjen e tij se Kate meritonte privatësi pas operacionit të saj.

"Po, mendoj se duhet ta lëmë të qetë. Ajo ka pasur një operacion të vështirë dhe meriton privatësi. Si qenie njerëzore, ne duhet të largohemi dhe ta lëmë të qetë. Është një përgjigje njerëzore", tha ai.

Për javë të tëra ajo ka qenë qendra e thashethemeve në internet dhe ndjesa e saj, këtë muaj, për editimin e një fotoje të bërë nga bashkëshorti i saj William dhe tre fëmijët e saj, ndezi intriga të mëtejshme. Të mërkurën, mbikëqyrësi britanik i të dhënave tha se po shqyrtonte një raport që stafi në spitalin ku Kate iu nënshtrua operacionit të saj kishte tentuar të aksesonte të dhënat e saj private shëndetësore.

kate middleton

Sondazh

Poll

MË SHUMË