Bota

"Është koha për tu larguar", Kryeministri i Irlandës jep dorëheqjen

Largimi i Varadkar si kreu i koalicionit me 3 parti nuk sjell automatikisht zgjedhje të përgjithshme.

20 Mars 2024, 13:52 Nga M.B
"Është koha për tu larguar", Kryeministri i
Leo Varadkar

DUBLIN– Kryeministri i Irlandës, Leo Varadkar, deklaroi sot se do të tërhiqej si kryeministër i Irlandës dhe si kreu i partisë qeverisëse 'Fine Gael', në një lëvizje e papritur që ai tha se ishte për arsye personale dhe politike. Largimi i Varadkar si kreu i koalicionit me 3 parti nuk sjell automatikisht zgjedhje të përgjithshme. Ai tha se kishte kërkuar që udhëheqësi i ri i partisë të zgjidhej më 6 prill, duke lejuar zgjedhjen e një kryeministri të ri pas pushimit të Pashkëve të parlamentit.

"Unë po jap dorëheqjen si president dhe udhëheqës i Fine Gael në fuqi sot dhe do të jap dorëheqjen si kryeministër sapo pasardhësi im të jetë në gjendje të marrë atë detyrë," u tha Varadkar gazetarëve të mbledhur jashtë ndërtesave qeveritare në Dublin.

Duke qenë emocional teksa bëri njoftimin, Varadkar tha se ishte koha e duhur që ai të largohej dhe se nuk kishte asnjë arsye tjetër pas vendimit të tij.

"Nuk kam asgjë tjetër të rreshtuar, nuk kam asgjë në mendje. Nuk kam plane të caktuara personale apo politike," tha ai.

Në vitin 2017, Varadkar u bë kryeministri i parë homoseksual i vendit, dikur "fanaktik" katolik, dhe personi më i ri që mban postin. Ai u rikthye si kryeministër në 2022 nën një marrëveshje rotacioni të arritur midis Fine Gael dhe Fianna Fail, dy partitë më të mëdha në një koalicion me tre parti me Partinë më të vogël të Gjelbër. Ndërkohë, zgjedhjet e ardhshme duhet të thirren në fillim të vitit 2025.

leo varadkar

Sondazh

Poll

MË SHUMË