Bota

Banda më e fuqishme e trafikut të drogës në Kolumbi pranon të negociojë me Presidentin

Para dy ditësh, presidenti i Kolumbisë paralajmëroi se nëse anëtarët e bandave refuzojnë të negociojnë përsëri, vendimi i qeverisë është të shkatërrojë një organizatë e cila sipas vlerësimeve të shërbimit inteligjent të ushtrisë kolumbiane, ka rreth 4 mijë anëtarë.

20 Mars 2024, 13:03 Nga S.N
Banda më e fuqishme e trafikut të drogës në Kolumbi pranon
Presidenti i Kolumbisë Gustavo Petro

KOLUMBI- Banda del Golfo, banda më e fuqishme e trafikut të drogës në Kolumbi , hapi dyert të martën për mundësinë e rifillimit të negociatave me qeverinë e Presidentit Gustavo Petro , të cilat u ndërprenë disa kohë më parë për shkak të sulmeve të anëtarëve të saj kundër civilëve dhe forcave të sigurisë.

"Ne e pranojmë ftesën e presidentit për t'u ulur në tryezë dhe për të negociuar kushtet politike që do të lejojnë transformimet shoqërore," tha organizata kriminale në një deklaratë. “Ripohojmë se jemi gati të shkojmë kudo që të na drejtojnë”, shton organizata.

“Topi është në fushën e vet për rinisjen e bisedimeve,"tha presidenti Petros. “Nëse guxojnë, le të ulemi në tryezën e bisedimeve”, vazhdoi ai, duke akuzuar bandën se i është përkushtuar edhe një herë zhvatjes, drogës dhe trafikut të emigrantëve.

"Anëtarët e klanit kriminal në çdo rast duhet të mbajnë përgjegjësi para drejtësisë”, paralajmëroi kreu i shtetit, duke thënë se tashmë i ka kërkuar prokurores së re të përgjithshme, Luz Adriana Camargo, të përgatisë kuadrin ligjor për këtë.
Në mars 2023, Petros mbylli negociatat e para me bandën, duke i akuzuar për vazhdimin e aktiviteteve kriminale dhe sulmeve kundër civilëve dhe forcave të sigurisë në veri, pjesë të të cilave janë bastionet e saj.

Negociatat nuk u zyrtarizuan as nuk filluan. Para dy ditësh, presidenti i Kolumbisë paralajmëroi se nëse anëtarët e bandave refuzojnë të negociojnë përsëri, vendimi i qeverisë është të shkatërrojë një organizatë e cila sipas vlerësimeve të shërbimit inteligjent të ushtrisë kolumbiane, ka rreth 4 mijë anëtarë.

Karteli, i njohur gjithashtu si AGC (Autodefensas Gaitanistas de Colombia), këmbëngul që autoritetet ta trajtojnë atë si një organizatë politike, si rebelët që kryejnë negociatat e paqes me Bogotan .

Banda kishte hedhur poshtë kushtet e planit origjinal të propozuar nga presidenti. Plani kërkonte dorëzimin dhe çarmatimin e tyre, në këmbim të një trajtimi më të favorshëm nga drejtësia. Mediat raportuan dje, se anëtarët e Klanit bllokuan rrugët pranë komunitetit të Tieralta ku presidenti Petros synonte të shkonte për të marrë pjesë në një aktivitet social.

Sipas vlerësimeve zyrtare, karteli Clan del Golfo përbën 30% deri në 60%, afërsisht 700 tonë, të të gjitha eksporteve të kokainës nga Kolumbia, prodhuesi numër një në botë i drogës. Banda është gjithashtu e lidhur me shfrytëzimin e minierave të paligjshme dhe me trafikimin e qenieve njerëzore, kontrabandën e emigrantëve përgjatë kufirit me Panamanë, përmes xhunglës Darien .

Kreu i bandës deri në vitin 2021, i ashtuquajturi “ Othoniel ”, u arrestua në tetor të atij viti dhe u ekstradua në maj të vitit 2022 në SHBA, ku u dënua me 45 vite burg.

 

kolumbi kartela droge

Sondazh

Poll

MË SHUMË