Politike

“Shqipëria Bëhet” nis mbledhjen e firmave për ndryshimin e Sistemit Zgjedhor, Lapaj: Jemi brezi i fundit që mund ta bëjmë këtë luftë

Kryetari i Lëvizjes, Adriatik Lapaj tha se kjo vjen pasi janë rrëzuar disa projekt-ligje për Reformën Zgjedhore.

20 Mars 2024, 11:09 Nga M.B
“Shqipëria Bëhet” nis mbledhjen e firmave për
Adriatik Lapaj

TIRANA- Lëvizja “Shqipëria Bëhet” ka nisur grumbullimin e 20 mijë firmave të qytetarëve në të gjithë vendit, për të dërguar në Parlament çështjen e ndryshimit të Sistemit Zgjedhor. Kryetari i Lëvizjes, Adriatik Lapaj tha se kjo vjen pasi janë rrëzuar disa projekt-ligje për Reformën Zgjedhore. Sipas Lapajt, është koha të ndahet “shapi nga sheqeri” dhe po ashtu të ndahen ata që janë pro pengmarrjes dhe ata që janë pro hapjes së sistemit.

“Në janar janë rrëzuar dy projektligje për Reformën Zgjedhore, ne do ta dërgojmë në parlament përmes 20 mijë firmave. Stendat do të jenë në Tiranë dhe në rrethe. Është çasti të ndahet shapi nga sheqeri. Të ndahen ata që janë pro pengmarrjes dhe ata që janë pro hapjes së sistemit. Duhet që çdo deputet ta pozicionojë veten dhe të zgjedhë që ta mbajë Shqipërinë peng apo të demokratizojë vendin. Nuk ka rrugë të mes, o me pengmarrësit, o me qytetarët”, tha Lapaj.

Ai tha se sa i përket votës së diasporës, kërkon të ndiqet shembulli i Kosovës duke votuar me postë.

“Drafti përjashton ambasadat, sepse i konsiderojmë zgjatime të pushtetit të Tiranës. Kemi përjashtuar sistemin elektronik, sepse AKSHI ka rënë dy herë dhe nuk jep siguri. Ne kemi propozuar voton me postë. Është modeli që e bën Kosova dhe i ka funksionuar më shumë sukses. Kjo tregon që është një sistem që funksionon. Më besoni ne jemi brezi i fundit që mund ta bëjmë këtë luftë. Po të shkoni në shkolla dhe universitete, bankat po boshatisen nga dita në ditë”, tha Lapaj për mediat.

shqiperia behet adriatik lapaj

Sondazh

Poll

MË SHUMË