Aktualitet

Po ndërtonte pa leje te “Syri i Kaltër”, arrestohet 33-vjeçari

Mësohet se gjatë shoqërimit ai ka kundërshtuar punonjësit e policisë dhe nuk i është bindur urdhrit të tyre për kryerjen e veprimeve procedurale.

19 Mars 2024, 12:02 Nga M.B
Po ndërtonte pa leje te “Syri i Kaltër”, arrestohet
Syri i Kaltër

SARANDA- Një 33-vjeçar me inicialet H. Gj., banues në Sarandë, është arrestuar pasi kishte nisur të ndërtonte një objekt, në tokë publike në parkun natyror, panë "Syrit të Kaltër", pa lejen e organeve kompetente. Mësohet se gjatë shoqërimit ai ka kundërshtuar punonjësit e policisë dhe nuk i është bindur urdhrit të tyre për kryerjen e veprimeve procedurale. Materialet procedurale i kaluan Prokurorisë, për veprime të mëtejshme.

Njoftimi:

Në vijim të punës për parandalimin, evidentimin dhe goditjen e rasteve të ndërtimeve pa leje, veçanërisht në zonat urbane dhe ato bregdetare, shërbimet e Komisariatit të Policisë Sarandë, në bashkëpunim me Seksionin për Hetimin e Krimeve Ekonomike e Financiare, bazuar në informacionet e marra se një shtetas po kryente punime ndërtimi, pa leje, në zonën e quajtur “Syri i Kaltër”, Sarandë, kanë ushtruar kontroll në zonë.

Nga kontrollet u konstatua se shtetasi H. Gj. kishte nisur të ndërtonte një objekt, në tokë publike, në parkun natyror, pa lejen e organeve kompetente. Në vijim të veprimeve, nga specialistët për Hetimin e Krimeve Ekonomike dhe Financiare u ndalua me iniciativë shtetasi H. Gj., 33 vjeç, banues në Sarandë. Gjatë shoqërimit, ky shtetas ka kundërshtuar punonjësit e Policisë dhe nuk i është bindur urdhrit të tyre për kryerjen e veprimeve procedurale.

Vijon puna për përcaktimin e përgjegjësisë ligjore të punonjësve të IVMT dhe të Policisë Bashkiake Finiq, të cilët dyshohet se me mosveprimet e tyre, kanë lejuar ndërtimin e paligjshëm. Materialet procedurale i kaluan Prokurorisë, për veprime të mëtejshme.

ndertim paleje

Sondazh

Poll

MË SHUMË