Sport

Interi dhe Napoli reagojnë ndaj pezullimit të Acerbit për fyerje të dyshuara raciste...

Milanezët mbrojnë "të drejtën për të hetuar faktet me lojtarin e tyre", napolitanët i thonë "Jo racizmit!"

18 Mars 2024, 17:31 Nga DOSJA
Interi dhe Napoli reagojnë ndaj pezullimit të Acerbit për fyerje

ITALI - Interi dhe Napoli kanë reaguar tashmë për largimin e Francesco Acerbi nga skuadra kombëtare italiane, pasi qendërmbrojtësi i ‘Nerazzurrëve’ dyshohet se ka drejtuar ofendime raciste ndaj Juan Jesus , mbrojtësit napolitan.

Në një deklaratë zyrtare, në mesazhin e Interit mund të lexohet: “Interi merr parasysh deklaratën e lëshuar nga Federata në lidhje me faktet që kanë të bëjnë me Francesco  Acerbi, gjatë ndeshjes së mbrëmshme kundër Napolit, dhe faktin që Federata ka vendosur që Acerbin të mos marri pjesë në dy ndeshjet e kombëtares në Shtetet e Bashkuara. 

Interi rezervon të drejtën të flasë me lojtarin e tij sa më shpejt që të jetë e mundur, në mënyrë që të kuptojë saktësisht se çfarë ka ndodhur. ”

Nga ana e tij, Napoli shpërndau në rrjetet e tij sociale një video të luftës kundër racizmit. “Sytë tanë kanë parë shumë. Veshët tanë dëgjuan shumë. Goja na tha shumë pak, koha e indiferencës ka mbaruar. Le të dëgjohemi, pa frikë, pa turp. Le të bërtasim me zë të lartë. Jo racizmit”,- mund të dëgjohet nga disa lojtarë të ekipit.

Në vend të Acerbit, në kombëtaren italiane u thërrit Gianluca Mancini, qendërmbrojtësi i Romës.

B.T (Dosja.al)

Sondazh

Poll

MË SHUMË