Sport

Pique për largimin e Xavit: “Nuk besoj se vendimi është 100 për qind përfundimtar”...

Ish-mbrojtësi qendror i Barcelonës ka komentuar vendimin e trajnerit, në një intervistë për 'Times Sport'.

18 Mars 2024, 14:53 Nga DOSJA
Pique për largimin e Xavit: “Nuk besoj se vendimi është 100

SPANJE - Gerrard Pique foli për të ardhmen e Xavi Hernández si trajner i Barcelonës. Në një intervistë për ‘Times Sport’, ish-qendërmbrojtësi i ‘Blaugranas’ ka deklaruar se ka besim që trajneri nuk do të largohet në fund të sezonit.

"Nuk besoj se vendimi i Xavit është njëqind për qind përfundimtar. Të shohim, mendoj se ai do të qëndrojë. Unë nuk flas me Xavi çdo ditë, por kemi folur disa herë. Dua më të mirën për të, sepse ai do sigurisht më të mirën për klubin”, ka komentuar ai.

Ish-ndërkombëtari spanjol vlerësoi Lamine Yamal dhe Pau Cubarsí, lojtarë të stërvitur në La Masia dhe që kanë spikatur për ‘Blaugranat’, duke e konsideruar qendërmbrojtësin 17-vjeçar "një talent të madh". Në lidhje me sulmuesin, ai tha: “Në situata ballë për ballë, nuk mendoj se ka një lojtar tjetër të aftë të bëjë atë që bën Lamine në fushë”.

Kujtojmë që Pique dhe Xavi ishin bashkëlojtarë te Barcelona për shtatë sezone, ndërkohë që trajneri katalanas tashmë ka deklaruar vendimin për t'u larguar nga klubi në fund të sezonit, pavarësisht suksesit sportiv.

B.T (Dosja.al)

Sondazh

Poll

MË SHUMË