Golashënuesi i Dortmundit, ai për të cilin po luftojnë Manchester United dhe Liverpool…

Të dy klubet "Old Trafford" dhe "Anfield"ANGLI - Manchester United dhe Liverpool u përballën të dielën, në klasiken më të madhe historike të futbollit anglez dhe “Djajtë e Kuq” eliminuan “Reds” nga gjysmëfinaleve të Kupës FA, pas fitroes me rezultatin 4-3 në kohën shtesë. Më 7 prill, ata do të takohen në Premier League (0-0 në “Anfield” në dhjetor). Por ka edhe një problem tregu, me të cilin përballen Manchester United dhe Liverpool. Të dy klubet janë të interesuara këtë verë për një golashënues nga Borussia Dortmund. Ky është holandezi Donyell Malen. Interesimi i Manchester United për sulmuesin e përmendur tashmë ishte shfaqur (madje ishte folur për një shkëmbim midis të dy klubeve për Jadon Sancho, i huazuar nga klubi “Old Trafford” në klubin e “Signal Iduna Park”). Por, sipas gazetës “Bild”, tani është edhe Liverpooli i interesuar për Malen, 25 vjeç dhe golashënuesi më i mirë i Borussia Dortmundit në Bundesligën aktuale, i barabartë me Niclas Füllkrug (të dy me nga 11 gola). Donyell Malen, ndërkombëtar për Holandën në 28 raste, mbërriti në Borussia Dortmund në verën e vitit 2021 nga PSV Eindhoven , të cilit klubi gjerman i pagoi 30 milionë euro. B.T (Dosja.al) janë të interesuar për anësorin Donyell Malen