Art&Argëtim

Shkëmbyen ngjyrat dhe vëmendjen, zbulohet arsyeja pse Margot Robbie hoqi dorë nga roza në Oscars

Bukuroshja australiane shfaqi fizikun e saj perfekt me ndihmën e stilistit Andrew Mukamal.

14 Mars 2024, 12:07 Nga S.B

Shkëmbyen ngjyrat dhe vëmendjen, zbulohet arsyeja pse Margot Robbie

America dhe Margot

SHBA- Aktorja Margot Robbie habiti me veshjen e saj në Oscars duke hequr dorë nga veshjet e saj ikonike rozë ‘Barbie’ në favor të një fustani të zi Versace. Bukuroshja australiane shfaqi fizikun e saj perfekt me ndihmën e stilistit Andrew Mukamal.

Por kritikët vërshuan në mediat sociale për të shprehur zhgënjimin e tyre me veshjen e Margot, duke e cilësuar veshjen e saj si të dobët dhe jo komplimentuese për fizikun. Sidoqoftë, përdorues të tjerë të mediave sociale kanë teorizuar se Margot zgjodhi të vishte të zeza për të lënë të dallohej në rozë bashkë-ylli i saj, America Ferrera e cila u nominua në çmimet e 96-të të Academy Awards.

Ndryshe nga tonet e heshtura të Margot, Ferrera dukej çdo centimetër një yll filmi me një fustan rozë të ngushtë dhe bizhuteri Pomellato. Krijuesja dixhitale Holly Agnes tregoi teorinë e saj mbi situatën në faqen e saj në Instagram.

Holly theksoi se bashkë-yjet ndryshuan stilet për Oscars, në mënyrë që America të ishte në qendër të vëmendjes "duke shkëmbyer ngjyrat, ata shkëmbyen vëmendjen", tha ajo.

"Kjo ishte krejtësisht e qëllimshme dhe gjëja e duhur për të bërë," shtoi ajo.

Ferrera humbi në kategorinë e aktores më të mirë në rol dytësor ndaj Da'Vine Joy Randolph, e cila fitoi për interpretimin e saj në The Holdovers. Ndërkohë disa të tjerë kanë teorizuar se Margot u vesh me të zeza për të treguar se nata e Oscars ishte një natë zie për të dhe ekipin e filmit Barbie.

america ferrera margot robbie barbie oscars