Bota

Osmani pas takimit me Escobar: Bashkëpunim me SHBA-të që kufiri të jetë i sigurt, terroristët e Banjskës të gjykohen në Kosovë

Osmani ka theksuar se grupi serb që mori pjesë në sulmin në Banjskë më 24 shtator, duhet të përballet me drejtësinë në Kosovë.

13 Mars 2024, 12:36 Nga M.B
Osmani pas takimit me Escobar: Bashkëpunim me SHBA-të që kufiri
Vjosa Osmani

KOSOVA- Presidentja e Kosovës, Vjosa Osmani pas takimit me të dërguarin e SHBA-ve për Ballkanin Perëndimor, Gabriel Escobar, ka deklaruar se bashkëpunimi me aleatët, konkretisht me SHBA-të, duhet të jetë bosht i veprime që merr Kosova. Osmani ka theksuar se grupi serb që mori pjesë në sulmin në Banjskë më 24 shtator, duhet të përballet me drejtësinë në Kosovë.

Ajo shtoi se suksesi i procesit të dialogut varet nga qasja parimore dhe e barabartë e BE-së ndaj palëve. Presidentja shtoi se në bashkëpunim me aleatët, edhe çështja e dinarit do të rregullohet.

“Sapo përfunduam një takim përmbajtjesor me emisarin e SHBA-së, diskutuam për zhvillimet e fundit si dhe për proceset e rëndësishme që po kalon Kosova. SHBA-ja përgjatë çdo sfide kanë qëndruar përkrah Kosovës. Bashkëpunimi me aleatët, veçanërisht me SHBA-në, duhet të jetë bosht i veprimeve tona. Duhet të ketë përgjegjësi për këtë akt agresioni dhe sulm terrorist. Serbia duhet ti ekstradojë të gjithë ata që ishin të përfshirë në këtë sulm. Ne do të vazhdojmë ti zbatojmë standardet më të larta për një gjykim të drejtë dhe do të vazhdojmë të punojmë krah përkrah me aleatët e në veçanti me SHBA-të që kufiri ynë të jetë i sigurt dhe të parandalojmë sulme të tilla në të ardhmen. Është kurciale të ketë zbatim të plotë të marrëveshjeve të dakoruduara vitin e kaluar veçanërisht ajo e Ohrit. Angazhimi i SHBA-së në këtë drejtim mbetet kyç për një përmbyllje të suksesshme të dialogut që do të çojë në njohje të ndërsjellë, siç edhe është thënë në letrën e presidentit Biden”, tha Osmani.

gabriel escobar vjosa osmani

Sondazh

Poll

MË SHUMË