Bota

"Krime lufte dhe kundër njerëzimit", Zvicra ngre aktakuzë ndaj xhaxhait të Bashar al-Assad

Zyra tha në një deklaratë se Rifaat al-Assad, ishte akuzuar për urdhra për vrasje, akte torture, trajtime mizore dhe ndalime të paligjshme në shkurt 1982 kur ai ishte në krye të trupave në qytetin perëndimor të Hama.

12 Mars 2024, 21:59 Nga M.B
"Krime lufte dhe kundër njerëzimit", Zvicra ngre
Rifaat al-Assad

ZVICRA- Zyra e Prokurorit të Përgjithshëm të Zvicrës deklaroi sot se do të gjykonte xhaxhain e presidentit sirian Bashar al-Assad për krime lufte dhe krime kundër njerëzimit që datojnë që nga koha e tij si komandant ushtarak në 1982. Zyra tha në një deklaratë se Rifaat al-Assad, ishte akuzuar për urdhra për vrasje, akte torture, trajtime mizore dhe ndalime të paligjshme në shkurt 1982 kur ai ishte në krye të trupave në qytetin perëndimor të Hama.

I njohur nga kritikët si "Kasapi i Hamës", Assad, ish-zëvendës president i vendit, komandoi trupat, e akuzuar për vrasjen e mijëra njerëzve, për të shuar një kryengritje islamike. Sipas aktakuzës së prokurorëve zviceranë, konflikti midis forcave të armatosura siriane dhe kundërshtarëve të tyre islamikë shkaktoi midis 3,000 dhe 60,000 të vdekur në Hama. Shumica e këtyre vdekjeve ishin civilë.

"Z. Al-Assad gjithmonë ka mohuar çdo përfshirje në aktet për të cilat ai akuzohet në këto procedura", thanë avokatët e Assad.

Rifaat al-Assad jetoi në emërgim, kryesisht në Francë, nga mesi i viteve 1980, pasi u akuzua për përpjekje për të rrëzuar vëllain e tij, presidentin e atëhershëm Hafez al-Assad, babai i Basharit. Ai u kthye në Siri në vitin 2021, duke i shpëtuar burgut në Francë, ku u shpall fajtor për blerjen e miliona eurove të pronave duke përdorur fondet nga shteti sirian.

rifaat al-assad

Sondazh

Poll

MË SHUMË