Bota

Një person i armatosur në Brazil mban peng 17 pasagjer në autobus, dy të plagosur

Kompania që menaxhon stacionin e autobusëve lëshoi ​​një deklaratë duke u kërkuar pasagjerëve që kishin planifikuar të udhëtonin këtë të martë në orët e vona të pasdites dhe në mbrëmje, të ndërrojnë biletat. 

12 Mars 2024, 21:51 Nga E. D
Një person i armatosur në Brazil mban peng 17 pasagjer në
pamje nga vendngjarja

BRAZIL- Autoritetet e Rio de Zhaneiros në Brazil kanë ngritur alarmin pasi pasagjerët po mbahen peng në një autobus, ndërsa dy janë plagosur nga të shtënat me armë. Sipas mediave lokale brenda një autobusi të parkuar në terminalin Sao Cristovao, në qendër të qytetit 17 persona mbahen peng, mes tyre fëmijë.

Zona ishte e rrethuar dhe një negociator mbërriti në vendngjarje për të kontaktuar me rrëmbyesin. Gjithashtu deri më tani nuk janë bërë të ditura motivet e sulmuesit. Njerëzit kanë thanë se dëgjuan të shtëna armësh në terminal. 

Kompania që menaxhon stacionin e autobusëve lëshoi ​​një deklaratë duke u kërkuar pasagjerëve që kishin planifikuar të udhëtonin këtë të martë në orët e vona të pasdites dhe në mbrëmje, të ndërrojnë biletat. 

“Menjëherë kontaktuam policinë dhe autoritetet zjarrfikëse, të cilat tashmë ndodhen në vendngjarje. Pasi të kemi më shumë detaje mbi ngjarjen, do të ripostojmë. Zona në fjalë tashmë është evakuuar për mbrojtjen e të gjithë pasagjerëve”, tha kompania.

brazil

Sondazh

Poll

MË SHUMË