Bota

U rrëzua gjatë festës së fejesës së tij, humb jetën i riu nga Britania që punonte oficer në Australi

Liam Trimmer, 29 vjeç, preu një arterie karotide në qafë (janë enë kryesore që ofrojnë furnizim me gjak në tru) pas një  aksidenti që ndodhi në shtëpinë e tij në Australinë Perëndimore të dielën.

12 Mars 2024, 15:18 Nga S.N

 

U rrëzua gjatë festës së fejesës së tij, humb
Liam Trimmer

AUSTRALI- Një burrë nga Britania e Madhe që emigroi në Australi për tu bërë oficer policie ka vdekur pasi është rrëzuar gjatë një feste për të shënuar fejesën e tij.

Liam Trimmer, 29 vjeç, preu një arterie karotide në qafë (janë enë kryesore që ofrojnë furnizim me gjak në tru) pas një  aksidenti që ndodhi në shtëpinë e tij në Australinë Perëndimore të dielën.

Edhe pse të dashurit u përpoqën ta shpëtonin, Trimmer vdiq pak para se të mbërrinin mjekët, thanë autoritetet.
Kolegët thanë se ai ishte një oficer i jashtëzakonshëm që i pëlqente të ndihmonte komunitetin e tij. "Kjo është një kohë vërtet e vështirë për policinë e Australisë Perëndimore," tha komisioneri Col Blanch për mediat lokale të hënën, duke e përshkruar z. Trimmer si një djalë të aftë.

“ U bë gjithçka për ta shpëtuar atë dhe unë e di që të gjithë ata që u përfshinë janë me të vërtetë, me të vërtetë të lënduar për momentin... Unë mendoj se ata dëshirojnë që thjesht të zgjohen nga ky makth,” tha Blanch.

Policia nuk dha detaje të tjera për rrëzimin e tij, duke thënë se rasti do të hetohej nga një mjek. Trimmer ishte zhvendosur nga Britania e Madhe në Australi në vitin 2013 për t'iu bashkuar forcës policore. Pasi u diplomua nga trajnimi i tij në akademi në 2017, ai u transferua në Kalgoorlie punoi në njësitë e krimit të bandave të policisë dhe njësitë e reagimit taktik.
 

 

aksident australi liam trimmer

Sondazh

Poll

MË SHUMË