Bota

Zbulimet në brigjet e Zelandës së Re habisin shkencëtarët, gjenden mbi 100 gjallesa të reja detare

Ekziston gjithashtu një specie, e cila duket si një lulelakër gri që po 'turbullon' biologët detarë.

12 Mars 2024, 15:09 Nga S.B
Zbulimet në brigjet e Zelandës së Re habisin
gjallesat e reja të zbuluara

ZELANDË E RE- Miliona specie ende po gjenden në oqeanet e Tokës, të cilat mbulojnë 70 përqind të planetit. Shkencëtarët kanë njoftuar se kanë zbuluar 100 të tjerë, pas një ekspedite në Bounty Trough, në brigjet lindore të ishullit jugor të Zelandës së Re.

Llojet e reja të identifikuara atje përfshijnë dhjetëra molusqe, tre peshq, një karkalec, një cefalopod dhe një gjini të re koralesh. Ekziston gjithashtu një specie, e cila duket si një lulelakër gri që po 'turbullon' biologët detarë.

Zbulimet në brigjet e Zelandës së Re habisin
lulelakra gri e detit

Zbulimi që po huton ekspertët ka të ngjarë të jetë një lloj i ri oktokorali me tetë tentakula. Ekipi i udhëtimit fillimisht mendoi se mund të ishte një yll deti, një anemone deti ose një kafshë tjetër por deri më tani ka provuar se nuk është asnjëra prej tyre. Biologu britanik detar Profesor Alex Rogers, i cili bashkë-drejtoi ekspeditën, tha se ai ishte i impresionuar me biodiversitetin absolut që ata kanë zbuluar.

Udhëtimi tre-javor në anijen kërkimore mblodhi pothuajse 1,800 mostra nga thellësia deri në 4,800 metra nën ujë përgjatë Bounty Trough. Mostrat do të vendosen në Koleksionin Jovertebror dhe Muzeun Kombëtar të Zelandës së Re 'Te Papa Tongarewa', të dyja në Wellington.

ekspedite detare gjallesa te reja detare

Sondazh

Poll

MË SHUMË