Aktualitet

Arrestohen dy persona dhe procedohen penalisht tre të tjerë për vepra penale të ndryshme në Berat

Mësohet se arrestimet kanë ardhur si pasojë e drejtimit të mjeteve në gjendje të dehur.

12 Mars 2024, 13:15 Nga S.B
Arrestohen dy persona dhe procedohen penalisht tre të tjerë për
foto ilustruese

BERAT- Arrestohen dy persona dhe procedohen penalisht në gjendje të lirë tre të tjerë për vepra penale të ndryshme në Berat. Mësohet se arrestimet kanë ardhur si pasojë e drejtimit të mjeteve në gjendje të dehur.

Ndërkohë procedimet në gjendje të lirë kanë ardhur si pasojë e veprave penale të ndryshme duke nisur nga falsifikimi i firmës, deri tek fyerjet dhe përplasjet fizike të një çifti me një punonjës të Drejtorisë Rajonale të Trashëgimisë Kulturore. Për veprime të mëtejshme do të merret Prokuroria e Beratit.

Njoftimi i policisë:

Vihen në pranga 2 shtetas dhe procedohen në gjendje të lirë 3 të tjerë, për vepra penale të ndryshme.

Specialistët e Sektorit të Qarkullimit Rrugor arrestuan në flagrancë shtetasit B. Sh., 43 vjeç, banues në Kuçovë dhe K. GJ., 44 vjeç, banues në fshatin Kozare, pasi u kapën duke drejtuar automjetet, në gjendje të dehur.

Specialistët e Seksionit për Hetimin e Krimeve Ekonomiko-Financiare referuan materialet në Prokurori, ku nisi procedimi në gjendje të lirë për shtetasin E. B., 42 vjeç, banues në Kuçovë, pasi dyshohet se ka falsifikuar firmën e një shtetasi, për t’i marrë atij automjetin.

Specialistët për Hetimin e Krimeve të Komisariatit të Policisë Berat referuan materialet në Prokurori, ku nisën procedimet në gjendje të lirë për shtetasit H. S., 66 vjeç dhe B. S., 69 vjeçe, bashkëshortë, të dy banues në Berat, pasi ka kallëzuar një punonjës i Drejtorisë Rajonale të Trashëgimisë Kulturore, se për shkak të detyrës, në ambientet e punës, këta shtetas e kanë fyer dhe janë konfliktuar fizikisht me të.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Berat, për veprime të mëtejshme.

berat kucove

Sondazh

Poll

MË SHUMË