Politike

Abuzimet në detyrë, Baçi: Qarku i Fierit, rekord në numrin e lartë të përfaqësuesve të qeverisë të cilët kapen me "presh në duar"

Gjatë fjalës së tij Baçi u shpreh se abuzimet më të rënda në detyrë regjistrohen në Fier i cili më tej ka shtuar se janë shifra rekord. 

12 Mars 2024, 12:26 Nga N.F
Abuzimet në detyrë, Baçi: Qarku i Fierit, rekord në numrin
Luan Baçi

TIRANË- Deputeti i PD-së, Luan Baçi në një deklaratë për mediat ka folur në lidhje me abuzimet në detyrë. Gjatë fjalës së tij Baçi u shpreh se abuzimet më të rënda në detyrë regjistrohen në Fier i cili më tej ka shtuar se janë shifra rekord. 

Ai më tej shpalosi edhe një herë rastin e fundit në Fier të Rajmonda Balilajt e cila u pezullua pas një skandali. Baç tha se një firmë e Balilajt bëri që paratë e taksapaguesve fierakë të shkonin në një xhep goxha të thellë. Deputeti demokrat theksoi se ky është një ndër qindra e mijëra zyrtaresh të korruptuar ndërsa shtoi se e vetmja zgjidhje është protesta dhe mosbindja civile.

Fjala e plotë:

Qarku i Fierit do të nisë të mbajë rekord në numrin e lartë të përfaqësuesve të qeverisë të cilët kapen me presh në duar në abuzime të rënda me detyrën. Rasti i fundit është i prefektes së Fierit Rajmonda Balilaj. Ajo është pezulluar në ushtrimin e detyrës për një skandal tashmë në dritë.

Zonja në fjalë në kohën kur ishte kryetare e Bashkisë Patos i ka dhënë firmës ‘Genti 001’ me pronar 100% të aksioneve Ilir Dervishajn, i cili sipas SPAK, për tri vite rresht 2019-2022 është shpallur, jo pak, por në 32 procedura prokurimi. Skandali thellohet pasi anëtarja e Asamblesë së PS, pra një prej pionierëve të Edi Ramës, këto procedura prokurimi i ka dhënë ende pa nisur tenderi.

Ka mjaftuar një firmë e Rajmonda Balilajt që paratë e taksapaguesve fierakë të shkonin në një xhep goxha të thellë. Gjatë hetimeve rezulton se Balilaj ka bashkëpunuar me 6 zyrtarë të bashkisë gjatë kohës që ajo e drejtonte, mes tyre ish-nënkryetaren Anisa Petani, sekretarin e përgjithshëm, Shkëlqim Beqiri.

Rasti i Balilajt është vetëm një ndër qindra e mijëra zyrtaresh te korruptuar qe Partia Demokratike denoncon çdo dite. Por, ne rikujtojmë se hetimet dhe vendimet që mund të merren për të korruptuarit vihen në pikëpyetje kur sheh lëvizjet hilacake të qeverisë dhe vetë Edi Ramës për t’i amnistuar këta kriminelë me xhepa të thellë.

Apo përpjekjet e SPAK për të kapur ‘balilet’ e vegjël dhe shpëtuar bajlozët në krye të kupolës. Për ta ka vetëm një zgjidhje, protesta, mosbindje civile dhe qeveri teknike. E vetmja formulë që shqiptarët të zgjedhin lirisht. O sot o kurrë!

luan baçi fier abuzime ne detyre pd

Sondazh

Poll

MË SHUMË