Aktualitet

Dosja Metamorfoza/ Gjykata e Lartë lë në fuqi sekuestron për pronat e Pëllumb Gjokës

Biznesmenit të arrestuar i janë sekuestruar 390 mijë metra tokë në plazhin e Velipojës me kërkesë të Prokurorisë së Posaçme

8 Mars 2024, 12:01 Nga N.F
Dosja Metamorfoza/ Gjykata e Lartë lë në fuqi sekuestron për
Pëllumb Gjoka

TIRANË- Gjykata e Lartë ka lënë në fuqi masën e sekuestros ndaj disa pronave të biznesmenit Pëllumb Gjoka. Biznesmenit të arrestuar i janë sekuestruar 390 mijë metra tokë në plazhin e Velipojës me kërkesë të Prokurorisë së Posaçme. Ndërkohë dyshohet se këto sipërfaqe toke janë përfituar me anë të falsifikimit.

Në lidhje me këtë çështje vijojnë hetimet ndërsa deri më tani SPAK nuk ka përfshirë në kërkesën e sekuestron e pasurive të tjera që janë në posedim të Gjokës apo të personave të afërm të tij. Pëllumb Gjoka njihet si pronar i një sërë pronave e objekteve me funksion shërbime, hoteleri apo lojëra fati. Toka u sekuestrua pasi dyshohet se janë falsifikuar dokumenta për ti përvetësuar.

Biznesmeni Pëllumb Gjoka dyshohet për vrasje me paramendim në kuadër të grupit të strukturuar kriminal bashkë me ish-shefin e Forcave Operacionale Oltion Bistri, i cili dyshohet për shpërdorim detyre dhe zbulim të akteve sekrete; kryeprokurorin e Kukësit Xhevahir Lita dhe 3 të tjerë, i dyshuar për korrupsion. Gjoka dhe të dyshuarit e tjerë, kanë pretenduar se nuk kanë përdorur asnjëherë aplikacion sky dhe se nuk kanë asnjë lidhje me kodet që pretendon SPAK./Dosja.al

pëllumb gjoka gjykata e larte

Sondazh

Poll

MË SHUMË