Aktualitet

Vajzën nga Venezuela e hodhën nga ballkoni/ Policia zbardh ngjarjen në Durrës: Ushtronte prostitucion në banesë bashkë me 4 vajza të huaja

Gjithashtu ka nisur procedimi penal edhe për 39-vjeçarin i cili u konfliktua dje me vajzën nga Venezuela. 

6 Mars 2024, 14:05 Nga r.ll
Vajzën nga Venezuela e hodhën nga ballkoni/ Policia zbardh ngjarjen
policia e durresit

DURRËS- Policia e Durrësit ka zbardhur ngjarjen e raportuar ditën e djeshme në qytetin e djeshme, ku një vajzë nga Venezuela u hodh nga kati i dytë i një pallati. 

Mësohet se shtetasja nga Venezuela bashkë me 4 vajza të tjera të huaja kishin marrë një banesë me qera dhe ushtronin prostitucion. Banesën e kishin përshtatur gjithashtu për përdorim të lëndëve narkotike. Ata akuzohen për veprën penale "Prostitucioni". Gjithashtu ka nisur procedimi penal edhe për 39-vjeçarin i cili u konfliktua dje me vajzën nga Venezuela. 

NJOFTIMI I POLICISË:

Durrës

Procedohen penalisht 5 shtetase të huaja që ushtronin prostitucion në një banesë të marrë me qira, në lagjen nr. 2, ku dhe përdoreshin lëndë narkotike.

Procedohet penalisht 39-vjeçari, i cili mesditën e djeshme, për motive të dobëta, u konfliktua me njërën nga shtetaset e huaja.

Specialistët e Seksionit për Hetimin e Trafiqeve të Paligjshme të DVP Durrës referuan materialet në Prokurori, ku nisën procedimet në gjendje të lirë, për veprën penale “Prostitucioni”, për shtetaset L. O., 27 vjeçe, e lindur në Kolumbi, C. P., 30 vjeçe, e lindur në Venezuelë, Y. P., 47 vjeçe, e lindur në Spanjë dhe D. R., 24 vjeçe, e lindur në Venezuelë. Gjithashtu, u referuan materialet në Prokurori, ku nisi procedimi në gjendje të lirë, për veprat penale “Prostitucioni”, “Mbajtja e lokaleve për prostitucion” dhe “Përshtatja e lokaleve për përdorim droge”, për shtetasen D. L., 23 vjeçe, e lindur në Barcelonë.

Nga verifikimet dyshohet se këto 5 shtetase ushtronin prostitucion në një banesë të marrë me qira, në lagjen nr. 2., ambient të cilin e kishin përshtatur gjithashtu për përdorim të lëndëve narkotike.

Në vijim, u referuan materialet në Prokurori, ku nisi procedimi në gjendje të lirë, për veprën penale “Dëmtime të tjera me dashje”, për shtetasin I. Z., 39 vjeç, banues në Shijak, sepse rreth orës 14:40 të ditës së djeshme, në ambientet e banesës në lagjen nr. 2, u konfliktua me shtetasen D. L..

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.

policia e durresit

Sondazh

Poll