Sport

Të gjithë duan Xabi Alonson, gjermanët e Leverkusenit vendosin klauzolën: 23 milionë për ta larguar nga “Aspirinat”!

Gjermanët kanë vendosur një klauzolë parandaluese në rinovimin e fundit të Alonso deri në vitin 2026: 23 milionë për t'i thënë lamtumirë atij më herët.

6 Mars 2024, 09:30 Nga DOSJA

Të gjithë duan Xabi Alonson, gjermanët e Leverkusenit vendosin

GJERMANI - Xabi Alonso është trajneri i momentit, me Bayer Leverkusenin e tij, që udhëton fuqishëm drejt titullit të Bundesligës, duke luajtur një futboll që shumëkush e pëlqen.

Trajneri spanjol përfundoi në krye të listës së mjeshtrave të shumë klubeve, që kërkojnë një guidë të re nga sezoni i ardhshëm, por “Aspirinat” vrapuan menjëherë për t'u mbrojtur.

Në fakt, në rinovimin e fundit të kontratës për 42-vjeçarin spanjol, gjermanët kanë futur një klauzolë parandaluese të ndërprerjes me vlerë 23 milionë. Një shifër që do të duhet të përfundojë në arkat e kampionëve të ardhshëm të Gjermanisë, nëse dikush do t'ua rrëmbejë para kohe, me kontratën që skadon në qershor të 2026-ës.

Me një epërsi prej 10 pikësh ndaj Bayernit të Tuchel, Leverkusen tashmë duket se e pret me padurim sezonin e ardhshëm, edhe nëse festimi i parakohshëm nuk është kurrë një gjë e mirë. Sigurisht, megjithatë, frika për të nisur kampionatin e radhës pa liderin po gjen gjithnjë e më shumë, sepse shumë e kanë vënë syrin te Xabi Alonso.

Në fakt, me lojën e mirë të gjermanëve, trajneri ka tërhequr vëmendjen mbi vete, me Liverpoolin, Barcelonën, madje edhe Bayernin të gatshëm për nënshkrimin e tij. Klauzola prej 23 milionësh sigurisht që do të jetë një frenim për klubet, të cilat megjithatë, siç ndodh shpesh, janë gati të bëjnë përpjekje ekonomike.

Në një bursë hipotetike për të ardhmen e Xabi Alonsos, parashikimet anojnë drejt Bayernit, viktimë e ecurisë së Leverkusenit në Bundesligë. Por me lamtumirën tashmë zyrtare të Xavi dhe Klopp me Barçën dhe Liverpoolin, nuk përjashtohen rrugët që të çojnë drejt avionëve për Spanjën dhe Anglinë.

“Mundo Deportivo”, në fakt, ka nënvizuar se si interesi i ‘Blaugranëve’ është gjallëruar javët e fundit, por “fair play” financiar mund t’i pengojë katalanasit.

B.T (Dosja.al)