Bota

Hungaria kundër kandidaturës së Mark Rutte për postin e Sekretarit të Përgjithshëm të NATO-s

Mark Rutte ka kritikuar vazhdimisht gjendjen e shtetit ligjor në Hungarinë e kryeministrit nacionalist Viktor Orban në vitet e fundit.

5 Mars 2024, 18:58 Nga DOSJA
Hungaria kundër kandidaturës së Mark Rutte për postin e
Mark Rutte

HUNGARI- Hungaria shprehu mosmarrëveshjen e saj sot mbi mundësinë që kryeministri holandez Mark Rutte të marrë postin e sekretarit të përgjithshëm të NATO-s, një post me rëndësi kritike në mes të luftës në Ukrainë.

"Ne nuk mund të mbështesim kandidaturën e një sekretari të përgjithshëm i cili në të kaluarën donte të gjunjëzonte Hungarinë," tha Ministri i Jashtëm Peter Szijjártó në një konferencë shtypi në Budapest. 

Mark Rutte ka kritikuar vazhdimisht gjendjen e shtetit ligjor në Hungarinë e kryeministrit nacionalist Viktor Orban në vitet e fundit. Në vitin 2021, i zemëruar nga një ligj hungarez që ai e konsideronte homofobik, ai tha se Hungaria nuk ka më vend në Bashkimin Evropian.

Emri i kryeministrit në largim të Holandës po dëgjohet gjithnjë e më shumë së fundmi për postin e sekretarit të përgjithshëm të NATO-s. Për emërimin e tij, megjithatë, kërkohet unanimiteti i vendeve anëtare. 57-vjeçari Rutte mbështetet nga SHBA, Gjermania dhe Britania. Rutte njoftoi vitin e kaluar se synon të tërhiqet nga politika holandeze, por do të qëndrojë në postin e tij deri në formimin e një qeverie të re.

 mark rutte  hungari

Sondazh

Poll

MË SHUMË