Bota

70 fëmijë të zhdukur nga sulmet xhihadiste në Mozambik, dyshohet se janë rrëmbyer nga luftëtarët e ISIS

Javën e kaluar, presidenti Filipe Nyusi tha se xhihadistët kishin shënjestruar qëllimisht Chiùre për të rrëmbyer fëmijët. Ekziston shqetësimi se ata mund të jenë vendosur në kampe trajnimi nga militantët.

5 Mars 2024, 18:31 Nga S.N
70 fëmijë të zhdukur nga sulmet xhihadiste në Mozambik,
Foto Ilustrim

MUMBAI-  Më shumë se 70 fëmijë janë zhdukur pas sulmeve të fundit xhihadiste në provincën veriore Cabo Delgado të Mozambikut, thonë autoritetet. Ata u ndanë nga familjet e tyre pasi mijëra u larguan në një provincë fqinje javët e fundit.

Ekziston frika se disa prej tyre mund të jenë rrëmbyer nga luftëtarët e lidhur me grupin e Shtetit Islamik. Trupat rajonale kanë ndihmuar ushtrinë të përballet me një kryengritje që përfshin militantë islamikë dhe që filloi në 2017. Por dhuna është rritur kohët e fundit dhe organizata bamirëse mjekësore Médecins Sans Frontières thotë se 80 mijë njerëz janë zhvendosur që nga janari.

Fëmijët ishin mes atyre që po iknin gjatë javëve të fundit nga distrikti Chiùre i Cabo Delgado në provincën Nampula. Chiùre, në jug të Cabo Delgado, ka qenë një strehë relativisht e sigurt për ata të zhvendosur gjatë viteve të fundit me dhunën që raportohet kryesisht në veri të provincës.

Javën e kaluar, presidenti Filipe Nyusi tha se xhihadistët kishin shënjestruar qëllimisht Chiùre për të rrëmbyer fëmijët. Ekziston shqetësimi se ata mund të jenë vendosur në kampe trajnimi nga militantët. Nuk është e qartë se sa civilë kanë vdekur në dhunën e fundit në Chiùre ku ushtria thotë se qetësia tani është rivendosur.

Zyrtarët thonë se fëmijët humbën nga paniku ndërsa njerëzit u larguan, disa janë gjetur që atëherë, por 72 janë ende të pagjetur. Më shumë se 60% e të zhvendosurve nga vala e re e sulmeve xhihadiste janë fëmijë dhe 129 shkolla janë mbyllur, sipas një raporti të OKB-së.

 

mumbai isis

Sondazh

Poll

MË SHUMË