TIRANE– Siç e ka shpallur që një muaj më parë, kryeministri Edi Rama ka folur sërish për “Kap ça të kapësh”, ose siç e quan ai, grupimin “KCK”. Nga Kuvendi, ku quajti edhe presidentin Ilir Meta një tip “KCK”, Rama tha se do të përshkallëzohet lufta kundër krimit të organizuar, dhe se më datën 25 nëntor, ai vetë do të prezantojë në Kuvend, platformën ligjore që do të godasë krimin e organizuar, prokurorët dhe gjyqtarët e korruptuar, bashkë me pasuritë e tyre.
Edi Rama: Prandaj edhe ky është një tjetër motiv për ne që të shpejtojmë dhe përshkallëzimin e luftës që të mos dalë në radhën e pritjes së Vettingut, por t’a nisim dhe t’a shoqërojmë me përshkallëzim ndaj luftës së krimit të organizuar. Ata që kanë marrë dënime të lidhura me veprimtari kriminale, më shumë sesa një vrasje. Ata që janë akuzuar për krim të organizuar, dhe s’janë dënuar si rezultat i atyre prokurorëve dhe gjyqtarëve që e kthyen drejtësinë në një Pazar ku kriminelët ishin të parët që jepnin ofertën dhe ata që janë të hetuar për krim të organizuar jashtë vendit, duhet të kthehen një orë e më parë në shënjestrën tonë. S’mundet që ata dhe KÇK të gëzojnë pasuritë e tyre. Pikërisht ofensiva ndaj pasurive të tyre është thelbi i një luftë që duhet të nisë një orë e më parë. Isha këtu në këtë foltore kur fola për rastin skandaloz të Durrësit. Jam zotuar se do t’i sjell Kuvendit shumë shpejt një platformë ligjore për t’u miratuar ndaj Krimit të Organizuar dhe KÇK. Është çështje ditësh, më 25 nëntor do t’i prezantoj shqiptarëve platformën kundër krimit. Do ndaj edhe në këtë sallë ata që janë gati kundër kësaj lufte dhe ata që s’janë. Krimi është kthyer në një motiv lufte politike. Në një aleat politik të atyre që e kanë përdorur produktin e krimit, kjo është koha kur i gjithë ky proces krizash artificiale që i përkasin frontit kundër reformës në drejtësi të marrë drejtimin e duhur deri në fund nga ne.
Deklarata e kryeministrit Edi Rama u bë në seancën e jashtëzakonshme që u zhvillua sot në Kuvend ku u miratua me 97 vota pro, projekt-rezoluta për Gjykatën Kushtetuese. Ndërkohë që një muaj më parë, kryeministri Edi Rama tha në Kuvend se në Shqipëri ka një grup prokurorësh dhe gjyqtarësh që veprojnë si “KCK”. Të parin që prezantoi Rama ishte prokurori Arjan Ndoja, ndaj të cilit u bë dhe një atentat 2 javë më parë. Ky grup sipas Ramës duhet të sulmohet vihet nën fre, pasi në pritje të Vettingut ata po bëjnë kërdinë.
(F.g/dosja.al)
Tirana është boshatisur për ditët e pushimit. Cilën nga ritet e shenjta po ndiqni:
TIRANË– Kuvendi i Shqipërisë ka miratuar me 97 vota pro projektrezolutën për Gjykatën Kushtetuese. Kuvendi e quajti me anë të kësaj rezolute, shkelje, kali...
TIRANE- Kryeministri Edi Rama tha se lëvizja e Ilir Metës me dekretimin e Marsida Xhaferllarit si anëtare të Gjykatës Kushtetuese, në të njëjtin vend me Arta Vo...
TIRANË- Deputeti Korab Lita ka kritikuar ashpër palët politike në vend, ku ka deklaruar se të gjithë aktorët po tentojnë të sabotojnë me çdo kushte ...
TIRANE- Në një dalje për mediet, ditën e sotme, Presidenti Ilir Meta teksa ka folur për ngërcin në Kushtetuese ka deklaruar se Kushtetutën e vendit nuk mund ta ...
TIRANË- Ka nisur seanca e jashtëzakonshme e Kuvendit për të miratuar projekt- rezolutën ndaj presidentit. Kryetari i grupit parlamentar të Partisë Socialis...
Tiranë– Nis seanca e Kuvendit. Deputeti Kujtim Gjuzi ka deklaruar se kërkon 45 minita kohë për të parë projektrezolutën për ngërçin në Kushtetuese.Debat...
Tiranë- Ish-deputeti i PD-së Klevis Balliu ka hedhur akuza të forta ndaj ministrit të Brendshëm Sandër Lleshajt, duke e akuzuar këtë të fundit se ka zaptuar tok...
TIRANË- Debate të forta kanë shoqëruar emisionin “Open”, mes ish-deputetit të Partisë Demokratike, Klevis Balliu dhe moderatores Eni Vasili.Debati mes tyre...
TIRANË- Ilir Meta ka hedhur akuza të forta ndaj partive kryesore të opozitës duke thënë se me largimin nga Kuvendi ka bërë gabim dhe ekspozuan Presidentin ...