Politike

Meta për hapjen e bazës ajrore në Kuçovë: Investim strategjik për sigurinë tonë kombëtare, rajonale dhe të vetë aleancës

Ai tha se zgjerimi i NATO-s në Ballkan është një kontribut përcaktues për sigurinë, paqen dhe vlerat e demokracisë.

4 Mars 2024, 13:53 Nga r.ll
Meta për hapjen e bazës ajrore në Kuçovë: Investim
ilir meta

TIRANË- Kreu i Partisë së Lirisë, Ilir Meta në një deklaratë për mediat ka përshëndetur hapjen e bazës ajrore të NATO-s në Kuçovë.

Meta tha se ky është një investim strategjik për sigurinë tonë kombëtare, atë rajonale dhe të vetë Aleancës së Atlantikut të Veriut. Ai tha se zgjerimi i NATO-s në Ballkan është një kontribut përcaktues për sigurinë, paqen dhe vlerat e demokracisë.

"Partia e Lirisë përshëndet ngjarjen shumë të rëndësishme të hapjes së bazës moderne ajrore të NATO-s në Kuçovë dhe e vlerëson si një investim strategjik për sigurinë tonë kombëtare, atë rajonale dhe të vetë Aleancës së Atlantikut të Veriut. Përzgjedhja e Kuçovës si vendndodhje e kësaj baze është një vlerësim që NATO ka për Shqipërinë dhe kontributin e saj në sigurinë e rajonit. Partia e Lirisë është e përkushtuar që NATO të forcohet më tej si në aspektin politik, ashtu edhe atë ushtarak dhe garanton se do të mbështesë fuqimisht edhe në të ardhmen bashkëpunimin strategjik me Aleancën. Partia e Lirisë shpreh gadishmërinë për të ndihmuar që Shqipëria të plotësojë të gjitha detyrimet ndaj NATO-s, por edhe për të marrë përgjegjësi të reja. Zgjerimi i NATO-s në Ballkan është një kontribut përcaktues për sigurinë, paqen dhe vlerat e demokracisë.", tha Meta.

ilir meta baza ajrore e natos ne kuçovë

Sondazh

Poll

MË SHUMË