Politike

Baza ajrore në Kuçovë, Berisha: PD mbështet bashkëpunimin me NATO-n dhe detyrimet ndaj saj

Berisha shkruan se përshëndet këtë ngjarje të rëndësishme për sigurinë e vendit dhe Aleancës së Atlantikut të Veriut.

4 Mars 2024, 11:31 Nga r.ll
Baza ajrore në Kuçovë, Berisha: PD mbështet
foto ilustruese

TIRANË- Kreu i Partisë Demokratike, Sali Berisha ka reaguar për hapjen e bazës ajrore të NATO-s në Kuçovë. Përmes një postimi në Facebook, Berisha shkruan se përshëndet këtë ngjarje të rëndësishme për sigurinë e vendit dhe Aleancës së Atlantikut të Veriut.

Ai shprehet se PD mbështet pa rezerva bashkëpunimin me NATO-n dhe mbetet e vendosur në respektimin e të gjitha detyrimeve politike dhe ushtarake të Shqipërisë ndaj saj.

POSTIMI:

Sot u inaugurua në Kuçovë, pas rikonstruksionit të Aeroportit, baza ajrore e NATO-s në Shqipëri. Partia Demokratike, si forca politike e parë në Europën ish-komuniste që kërkoi anëtarësimin e vendit në NATO dhe që 15 vjet më parë me reforma të thella dhe të shumëanshme antarësoi Shqipërinë në NATO, përshëndet këtë ngjarje të rëndësishme për sigurinë e vendit dhe Aleancës së Atlantikut të Veriut.

Partia Demokratike garanton NATO-n se ajo sot dhe në të ardhmen mbështet pa rezerva bashkëpunimin me Aleancën e Atlantikut të Veriut dhe mbetet e vendosur në respektimin e të gjitha detyrimeve politike dhe ushtarake të Shqipërisë ndaj saj.

baza ajrore e natos ne kuçovë sali berisha

Sondazh

Poll