Sport

'Shpikjet' e reja të IFAB për futbollin botëror

Organi që vendos rregullat e futbollit miraton testimin e 'pushimeve të qeta' për momentet e tensionit maksimal midis skuadrave

4 Mars 2024, 12:46 Nga DOSJA
'Shpikjet' e reja të IFAB për futbollin botëror
Gianni Infantino, president i FIFA-s, mori pjesë në asamblenë e përgjithshme vjetore të 138-të të IFAB

ZVICER - Të shtunën e kaluar, IFAB, organi që vendos rregullat e futbollit në mbarë botën, mbajti mbledhjen e tij të 138-të vjetore në Skoci dhe përveç ‘parkimit’ të kartonit blu, që fillimisht do të dënonte protestat e tepruara me një përjashtim të përkohshëm, mori vendime të tjera, mes cila bie në sy: të provosh të ashtuquajturat  'pushime të qeta' në momentet e tensionit maksimal gjatë një ndeshjeje.

Po cilat janë pushimet e qetësisë dhe nga çfarë përbëhen ato? Eshtë pyetje e miliona dollarëve.  Është një vendim që do të merret në ato momente kur arbitri vlerëson, se atmosfera mes dy skuadrave nxehet së tepërmi, duke rrezikuar zhvillimin normal të ndeshjes.

Në këtë pikë, arbitri do të ketë fuqinë për të dërguar çdo ekip në zonën e tij, për të ndarë lojtarët nga secila anë e fushës, derisa nervat të jenë përsëri 'nën kontroll'. Diçka si 'këndi i të menduarit', ku shumë prindër i dërgojnë fëmijët e tyre në momente 'rebelimi'. 

Sa zgjasin këto 'pushime qetësie'? Është një pyetje tjetër që nuk ka përgjigje për momentin.

Kjo iniciativë, si ato për të kufizuar aftësinë e kapitenit për të folur me arbitrin 'në situata të caktuara' dhe për të rritur deri në tetë sekonda (deri tani ishte gjashtë sekonda) kohën që portierët mund ta mbajnë topin në duar, ishin disa ndryshime që u miratua nga IFAB si test. Dhe do të aplikohen në garat kombëtare nga kategoria e tretë e çdo vendi, me përparësi në futbollin bazë.

Ato janë 'shpikjet' më të fundit të një IFAB, që pa se si vetë FIFA rrëzoi projektin e saj të kartonit blu, 24 orë përpara debatit në asamblenë skoceze.

B.T (Dosja.al)

Sondazh

Poll

MË SHUMË