Art&Argëtim

Muzeu britanik po kërkon një konsulent, kushti kryesor është të jetë fans i Taylor Swift

34-vjeçarja nga Pensilvania është kthyer në një fenomen që kapërcen muzikën, duke qenë shënjestër e mediave në të gjitha aspektet e jetës së saj.

3 Mars 2024, 18:59 Nga S.B
Muzeu britanik po kërkon një konsulent, kushti kryesor është
Taylor Swift

SHBA- Fama dhe suksesi i disa të famshëmve tejkalon nivelin e tyre të ekspertizës, duke i ngritur në statusin e fenomenit global. Pak emra mund të mburren se kanë një legjion të madh fansash dhe kanë një ndikim të tillë, por një prej tyre është padyshim këngëtarja Taylor Swift. 34-vjeçarja nga Pensilvania është kthyer në një fenomen që kapërcen muzikën, duke qenë shënjestër e mediave në të gjitha aspektet e jetës së saj.

Një muze britanik është në kërkim të një fansi të vërtetë të Taylor Swift për një pozicion konsulent, bazuar në idenë se këngëtarja është një fenomen. Është muzeu V&A (Victoria & Albert) në Londër, dhe e ka të qartë ndikimin e artistes, ndaj kërkojnë një 'Swiftie' (emri që u është vënë fansave të saj) për t'i këshilluar për njohuritë kulturore dhe fenomenet e reja.

Është një muze i arteve dekorative që dëshiron të ofrojë një konsulencë për të ndihmuar ekipet e tyre të mësojnë rreth tendencave të ndryshme kulturore. Në kuadër të kësaj nisme, ata filluan të kërkojnë dikë të specializuar për Swift pasi ajo shpalli datat e saj në Evropë dhe duke marrë parasysh të gjithë lëvizjen kulturore që bëhet në koncertet e këngëtares, ku fansat shkëmbejnë dhurata dhe krijime me në qendër artistin.

Në të njëjtën mënyrë, muzeu dëshiron të ketë edhe fansa të artistëve, markave dhe serialeve të tjera si Pokémon, Lego apo Crocs, duke pasur parasysh gjithashtu se ato janë dukuri që i tejkalojnë disiplinat e tyre.

taylor swift muzeu britanik

Sondazh

Poll