Aktualitet

"Shkaktuan zjarrin nga pakujdesia", flakët tek ish-uzina e përpunimit të naftës në Ballsh, procedohen penalisht 2 persona

Mësohet se ngjarja ka ndodhur gjatë punës për çmontimin e një depozite dhe si pasojë e mbetjeve të naftës është shkaktuar zjarri.

1 Mars 2024, 19:13 Nga M.B
"Shkaktuan zjarrin nga pakujdesia", flakët tek ish-uzina e
Foto nga vendi i ngjarjes

MALLAKASTËR- Ish-uzina e përpunimit të naftë në qytetin e Ballshit është përfshirë ditën e sotme nga flakët. Mësohet se ngjarja ka ndodhur gjatë punës për çmontimin e një depozite dhe si pasojë e mbetjeve të naftës është shkaktuar zjarri. Po ashtu bëhet me dije se është bërë e mundut shuara e  zjarrit nga zjarrfikësit.

Lidhur me ngjarjen u referuan materialet në prokurori për dy persona pasi duke punuar për çmontimin e depozitës, nga pakujdesia kanë shkaktuar zjarr dhe si pasojë është shkaktuar ndotje e ajrit.

Njoftimi:

Mallakastër/Informacion paraprak

Rreth orës 15:40, tek ish Uzina e përpunimit të naftës, gjatë punës për çmontimin e një depozite, si pasojë e mbetjeve të naftës në depozitë është shkaktuar zjarr.

Falë ndërhyrjes së menjëhershme nga shërbimet e Policisë dhe zjarrëfikses u bë e mundur fikja e zjarrit.

Nga specialistët e Komisariatit të Policisë Mallakastër, u referuan materialet në Prokurori për shtetasit A. O., 49 vjeç, banues në Korçë, dhe B. R., 56 vjeç, banues në Mallakastër, pasi duke punuar për çmontimin e depozitës, nga pakujdesia kanë shkaktuar zjarr dhe si pasojë është shkaktuar ndotje e ajrit.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.

zjarri depozita e naftes

Sondazh

Poll

MË SHUMË