Sport

Gasperini i heq presionin Atalantës për sfidën me Interin: “Kemi pak për të humbur!”...

Skuadra bergamaske nuk ka humbur prej 10 ndeshjesh dhe viziton zikaltrit që kanë fituar 10 herë radhazi.

28 Shkurt 2024, 11:00 Nga DOSJA

Gasperini i heq presionin Atalantës për sfidën me Interin:

ITALI - Në një ndeshje të shtyrë të xhiros së 21-të të Serisë A, Atalanta do të përballet me Interin këtë të mërkurë. Të dyja skuadrat janë të pamposhtura në vitin 2024: skuadra e Bergamos arrin pas 10 ndeshjesh radhazi pa humbje (8 fitore dhe 2 barazime), ndërkohë që zikaltrit janë në epërsi dhe vijnë nga një seri prej 10 fitoresh. 

Përveç përballjes me një rival në formë të shkëlqyer, skuadra e pestë në renditje do të ketë parasysh edhe vështirësitë e kalendarit të javëve të ardhshme. Pas ndeshjes së sotme, Bolonga (katërta) do të pasojë të dielën, më pas, ata do të përballen me Juventusin (i 2-ti), Fiorentina (7-ta) dhe Napoli (i 9-ta), pa llogaritur ndeshjen europiane me Sportingun.

Kjo është arsyeja pse Gian Piero Gasperini hoqi presionin nga supet e lojtarëve. "Ne kemi pak për të humbur. Interi është një ekip i kompletuar, Inzaghi bëri një punë të shkëlqyer. Nuk më kujtohet kohët e fundit të kemi parë një ekip me kaq shumë cilësi",- theksoi trajneri i Atalantas, duke shtuar:

"Në raundin e parë (humbje 2-1), luajtëm një lojë të shkëlqyer, pavarësisht disa gabimeve. Objektivi është të përsërisim paraqitjen. Është gjithashtu fusha e vetme, ku si trajner i këtij klubi nuk kam fituar ende”. Italiani tha se De Ketelaere dhe Lookman nuk kanë asnjë lloj problemi fizik dhe janë të aftë për të luajtur.

B.T (Dosja.al)

Sondazh

Poll

MË SHUMË