Sport

Plani special për të përgatitur fizikisht Lamine Yamal: ylli i ri spanjol ka shtuar tashmë 7 kg masë muskulore këtë sezon

Klubi dëshiron të promovojë rritjen fizike dhe shtimin e masës muskulore të anësorit 16-vjeçar

27 Shkurt 2024, 17:25 Nga DOSJA
Plani special për të përgatitur fizikisht Lamine Yamal: ylli i ri

SPANJE - Lamine Yamal është një nga shpresat kryesore të Barcelonës për të ardhmen e klubit dhe, pavarësisht se është vetëm 16 vjeç, ai është një nga referencat kryesore sulmuese të ‘Blaugranas’ këtë sezon. 

Sipas gazetës spanjole ‘Mundo Deportivo’, Barcelona përcaktoi një plan fizik të personalizuar në fillim të sezonit, me synimin për të rritur nivelin fizik të të riut spanjol në aspektin muskulor dhe për të reduktuar sa më shumë dhjamin në trup.

Sipas të njëjtit burim, bëhet fjalë për një plan specifik për të punuar për forcën, me qëllim forcimin e pjesës së poshtme dhe të sipërme të trupit, për t'iu përshtatur nivelit të kërkesës së nevojshme për të luajtur në ekipin e parë të klubit katalanas, nga shpejtësia dhe ritmin e lojës, për të ndarë duelet kundër kundërshtarëve më të fortë fizikisht.

Portali spanjol thekson se ngarkesat e punës dhe pesha janë të rregulluara dhe të përshtatshme me moshën dhe karakteristikat e lojtarit të ri, pasi futbollisti është ende në fazën e rritjes.

Të dhënat e mbledhura tregojnë se plani ishte i suksesshëm. Që nga fillimi i sezonit, i riu i lindur në vitin 2007 ka arritur rezultate mbresëlënëse, duke shtuar shtatë kilogramë masë muskulore, duke përmirësuar ndjeshëm nivelin e muskujve, duke ulur yndyrën e trupit dhe duke u rritur rreth 2.5 centimetra, teksa pritet që të arrijë 1.80 metra në fund të sezonit.

Ky evolucion trupor përkthehet edhe në fushë, lojtari ka më shumë rezistencë për të duruar duelet fizike me kundërshtarët, menaxhon më mirë përpjekjet, është më i rrezikshëm dhe efektiv në sulm dhe gjithashtu rikuperohet më mirë në asistencën në mbrojtje.

Lamine Yamal mori pjesë në 35 ndeshje këtë sezon për Barcelonën, duke regjistruar 5 gola dhe 4 asistime dhe duke marrë një rol gjithnjë e më të rëndësishëm në strategjinë e trajnerit Xavi Hernández.

 
 
 
 
 
View this post on Instagram
 
 
 
 
 
 
 
 
 
 
 

A post shared by Mundo Deportivo (@mundodeportivo)

B.T (Dosja.al)

Sondazh

Poll

MË SHUMË