Sport

Maskota e Internacionalit akuzohet për ngacmim seksual nga gazetarja: “Dëgjova tingullin e puthjes dhe ndjeva djersën e tij”...

Gisele Kümpel, reportere për Rádio Monumental, paraqiti një ankesë pas klasikes me Grémio

27 Shkurt 2024, 15:34 Nga DOSJA
Maskota e Internacionalit akuzohet për ngacmim seksual nga gazetarja:

BRAZIL - Gisele Kümpel, një reportere për Rádio Monumental, paraqiti një ankesë kundër maskotës së Internacionalit për ngacmim seksual. Rasti ka ndodhur këtë të dielë, në triumfin (3-2) të Interit ndaj Grémios, në kuadër të xhiros së 10-të të kampionatit Gaúcho.

Në një intervistë për ‘GloboEsporte’, gazetarja ka shpjeguar se ishte ulur në një stol pas njërit prej golave ​​dhe se gjatë lojës ka vënë re sjellje të çuditshme nga ana e maskotës së lartpërmendur, e cila vazhdimisht bënte gjeste drejt saj. "Unë isha e vetmja femër në atë anë të fushës. Kishte gazetarë të tjerë, por ai më bëri shenjë vetëm mua",- filloi duke thënë ajo.

Situata u përkeqësua me golin e Alan Patrick, i cili realizoi një penallti dhe i dha fitoren Internacionalit në kohën e fundit. "Në atë moment ai erdhi në krahun tim dhe më përqafoi. Ai mbeti i përqafuar me mua. Edhe me maskën më shtyu kokën dhe bëri gjestin për të dhënë një puthje. Unë dëgjova tingullin e puthjes dhe ndjeva djersën e tij”,- thotë Gisele Kümpel, e cila më pas foli për rastin në rrjetet sociale.

“Po i shkoj deri në fund kësaj çështjeje, që këtë të mos e pësojë më asnjë grua tjetër”,- ka shkruar ajo. 

B.T (Dosja.al)

Sondazh

Poll

MË SHUMË