Sport

“Lufta për jetën”... Bordeaux e rezervuar mbi "prognozën jetike" të Albert Elis!

Sulmuesi i saj është në koma të shkaktuar nga mjekësia dhe iu nënshtrua një operacioni pasi pësoi një goditje të fortë në kokë në ndeshjen kundër Guingamp.

26 Shkurt 2024, 10:41 Nga DOSJA

“Lufta për jetën”... Bordeaux e rezervuar mbi

FRANCE - Bordeaux refuzoi të komentojë këtë të dielë mbi "prognozën jetike" të hondurasit Albert Elis, i cili ndodhet në koma të induktuar dhe iu nënshtrua një operacioni, pasi pësoi një goditje të fortë në kokë në ndeshjen kundër Guingamp, në ligën e dytë franceze.

"Për momentin nuk është ende e mundur të komentohet mbi prognozën jetike. Klubi nuk pret të jetë në gjendje të komunikojë ndonjë informacion të ri vendimtar për disa ditë dhe nuk do të bëjë asnjë koment të mëtejshëm për gjendjen shëndetësore të Albertit",- thuhet në deklaratën e Bordeaux për sulmuesin e saj.

Elis, 28 vjeç, ka pësuar një goditje të rëndë në kokë mbrëmjen e së shtunës, në një përplasje me mbrojtësin Donatien Gomis, në startin e ndeshjes Bordeaux-Guingamp (1-0).

“Në respekt për të, familjen dhe të afërmit e tij, ne kërkojmë përmbajtje kur zbulojmë informacionin mjekësor në një kohë kur asgjë tjetër nuk ka rëndësi”,- shtoi klubi.

Pas incidentit, lojtari nga Hondurasi u vendos në një koma të shkaktuar nga mjekët për të mbrojtur shëndetin e tij dhe iu nënshtrua një operacioni gjatë natës në spitalin universitar Pellegrin në Bordeaux.

"Ne duam të shprehim mirënjohjen tonë më të sinqertë për të gjithë ata që kanë treguar mbështetjen e tyre për Albertin dhe familjen e tij, në veçanti klubet në të gjithë Francën. Fjalët tuaja ngrohin zemrat tona dhe janë një forcë e madhe në luftën e Albertit",- theksoi në një deklaratë Gerard López, president i Bordo.

B.T (Dosja.al)