Sport

Presidenti i Nigerisë u dhuron apartamente dhe tokë lojtarëve të kombëtares... (video)

Presidenti Bola Tinubu e ka ftuar trajnerin portugez në shtëpinë e tij

13 Shkurt 2024, 20:42 Nga DOSJA

Presidenti i Nigerisë u dhuron apartamente dhe tokë lojtarëve

NIGERI - Lojtarët e ekipit kombëtar të futbollit të Nigerisë, që drejtohen nga trajneri portugez José Peseiro, morën si shpërblim nga një apartament dhe tokë nga presidenti i atij vendi, Bola Tinubu, pavarësisht se humbën finalen e Kupës së Kombeve Afrikane (CAN'2023).

“Nuk është e lehtë të pranosh një humbje (2-1 në finale kundër mikpritësve të Bregut të Fildishtë), veçanërisht kur pritshmëritë janë të larta, por ju treguat sportivitet dhe elasticitet gjatë gjithë turneut”,- tha presidenti Bola Tinubu gjatë ceremonisë së pritjes së 'Super Shqiponjave'.

Pavarësisht humbjes në finalen e së dielës, presidenti nigerian ishte krenar për ekipin dhe i falënderoi ata për "punën e mirë" të demonstruar në CAN2023, duke u paraqitur lojtarëve formularët për të ndarë pronat e premtuara me efekt të menjëhershëm.

Trajneri i Nigerisë, portugez José Peseiro, falënderoi presidentin Bola Tinubu për gjestin e tij ndaj futbollistëve dhe deklaroi se, pavarësisht se ishte 60 vjeç, kjo ishte hera e parë që një president e ftonte në shtëpinë e tij.

“Është një nder dhe krenari për mua”,- tha José Peseiro, duke shtuar se skuadra nigeriane “bëri një punë fantastike dhe tregoi një shpirt shumë të mirë dhe luajti mirë”.

Nigeria humbi finalen e CAN'2023 ndaj Bregut të Fildishtë 2-1, në Abidjan, pasi kaloi në epërsi në ndeshje, me një gol të kapitenit Troost-Ekong (38’), por i lejoi nikoqirët të riktheheshin, dhe të shënonin përmes Franck Kessié (62’) dhe Sébastien Haller (81’).

B.T (Dosja.al)

 

Sondazh

Poll

Sport 13 Shkurt 2024, 20:19

Eskursion i Lewandowskit në Andorra...

SPANJE - Duke përfituar nga fakti se këtë të martë nuk ishte planifikuar asnjë seancë stërvitore nga Xavi, polaku...

MË SHUMË