Politike

SPAK jep pretencën për Belerin, kërkon 2 vite e 6 muaj burg për kryebashkiakun e Himarës

Ndërkohë që për Pandeli Kokaveshin, SPAK kërkon dy vjet burg, por për shkak të gjendjes së tij shëndetësore, mund t'i konvertohet në 4 vite shërbim prove.

13 Shkurt 2024, 14:47 Nga I.A
SPAK jep pretencën për Belerin, kërkon 2 vite e 6 muaj burg
Fredi Beleri

TIRANË- Prokuroria e Posaçme ka dhënë ditën e sotme pretencën për kryebashkiakun e arrestuar të Himarës, Fredi Beleri. Në pretencën e dhënë nga SPAK kërkohet 2 vite e 6 muaj burg për Belerin, për akuzën e vjedhjeve të votave. Ndërkohë që për Pandeli Kokaveshin, SPAK kërkon dy vjet burg, por për shkak të gjendjes së tij shëndetësore, mund t'i konvertohet në 4 vite shërbim prove. Tashmë mbetet në dorën e GJKKO-së për të vendosur nëse Beleri shpallet fajtor apo do të lirohet nga akuzat.

“Nuk ka asnjë foto mes Arsen Ramës dhe Fredi Belerit”, tha avokati pas përfundimit të seancës.

Kujtojmë se Fredi Beleri u arrestua dy ditë para zgjedhjeve vendore për blerje votash. Sipas prokurorisë, përgjimet e realizuara tregojnë se ai ka ofruar para në këmbim të votave në favor të tij. Vetë Beleri ka hedhur poshtë akuzat dhe ka folur për një akt me sfond politik. Beleri u shpall fitues nga qelia në zgjedhjet e 14 Majit, por betimi i tij nuk u krye asnjëherë për të marrë detyrën.

fredi beleri gjkko spak

Sondazh

Poll

MË SHUMË